Сәтбаев университеті

Қазақстандағы ең көне және алдыңғы қатарлы техникалық университет, ол тау-кен және мұнай өндіру саласында көптеген зерттеулерімен танымал. Сексен жылдан астам тарихы бар әйгілі жоғары оқу орны Қазақстандағы техникалық білім беру ісінің көшбасшысы болып табылады. Ал техникалық мамандықтар – университеттің бетке ұстар айнасы болып саналады. Университет көпсалалы болғандықтан, мұнда сәулет және менеджмент мамандықтарын да оқуға болады.

 

10

институт

32

кафедра

910

оқытушылар

262

оқу-тәжірибелік
зертхана

5

ғылыми зертхана

3

ғылыми-білім беру
орталығы

3

тілде білім беру

2

оқу полигоны

1

космостық
сәулелер станциясы

1000

грант
жыл сайын

4000

орындық
жатақхана

240

орынды
әскери кафедра

450

серіктес-компания

24

спорт секциясы

15

студенттік ұйымдар

 

1934 жылы Қазақ тау-кен металлургия институты (ҚазТКМИ) болып ашылған, ал 1960 жылы Қазақ политехникалық университеті болып қайта құрылды. 1999 жылы университетке академик Қ. И. Сәтбаевтың есімі берілді. Қызыл Жұлдыз орденімен марапатталған.

Университет республиканың өндіріс орындарын инженер кадрларымен қамтамасыз ете отырып, Қазақстандағы ғылыми, қоғамдық және мемлекеттік қайраткерлерді даярлаудың ең негізгі қайнар көзіне айналды. Елге мәлім атақты ғалымдар мен мәдениет қайраткерлерінің есімдері университет тарихымен тығыз байланысты. Олар: Өмірхан Байқоңыров, Қаныш Сәтбаев, Жамал Қаңлыбаева, Ільяс Есенберлин, Қазбек Валиев, Шахмардан Есенов, Ақжан әл-Машани, Бақыт Сұлтанов, Асқар Жұмағалиев, Айқын Төлепберген, Бейбіт Атамқұлов.

Қазақстанда жоғары оқу орындарын қайтадан жаңарту мақсатында Сәтбаев университетіне 2014 жылы ұлттық зерттеу университеті деген үкіметтік дәреже беріліп, ол дүниежүзілік көрнекті ғалымдармен бірлесе жұмыс істеу мүмкіндігіне ие болды. Университет әлемнің 25 елінен дүниежүзілік 174 жетекші жоғары оқу орындарымен және халықаралық дәрежедегі көптеген белгілі ғалымдармен ынтымақтастық қарым-қатынас жасайды (АҚШ, Англия, Италия, Германия, Франция, Қытай, Корея, Польша және т.б.).

Халықаралық және ұлттық рейтингтерде алдыңғы қатарда

 

qs

411-420 дүние жүзінде

qs2

50 EECA University Ranking

nkaoko

48 Қазақстанда

rwu

24 Қазақстанда

 

Сәтбаев университеті – зерттеу университеті

Сәтбаев университетінің ең басты принципі – «ғылыми зерттеулерге сүйене отырып білім алу». Университетте ғылыми жұмыстар кеңінен жүргізіледі, ғылымды бейінді ғылыми бағыттар бойынша дамыту жөніндегі отандық және дүниежүзілік трендтерге сараптама мен мониторинг жүргізіледі, сондай-ақ бейінді ғылыми білім беру бағыттары бойынша жасалатын іргелі және қолданбалы зерттеулерді қаржыландыру көздері іздестіріледі. ҚазҰТЗУ ғылыми-зерттеу жұмыстарын жүргізу жөнінде белгілі жеке меншіктік және мемлекеттік ірі-ірі кәсіпорындармен келісім-шарт жасасқан. Атап айтқанда, «Қазцинк», «Қазмырыш», «ПетроҚазақстан Құмкөл Ресорсиз», «Тоспа Су», «Қазатомөнеркәсіп», «Парасат», «Павлодар мұнай-химия зауыты».

Сонымен қатар университет өндірістік маңызды мәселелерге талдау жүргізіп, оның шешілу жолдарын қарастырады, ғылыми жаңалықтарды іске қосып, жүзеге асыру жолын коммерциализациялау жөнінде көптеген жұмыстар жүргізеді, жаңа ойларды іздестіреді, инновациялық жобаларды қалыптастырып, жүзеге асыруға, жаңа стартап-компанияларды құрып дамытуға, олар үшін грант пен инвестициялар тартуға көмектеседі. Ең бастысы – интеллектуалдық қызмет нәтижелерін заңды түрде қорғауды қамтамасыз етеді.

Сәтбаев университетінің қазіргі заманғы ең басты мақсаты – халықаралық маңызы бар зерттеу университеті атану, әртүрлі елдердің студенттері мен білікті мамандарын дүниежүзілік ғылыми қауымдастыққа біріктіру, сөйтіп инновацияның көмегі арқылы тұрақты түрде дамуға ұмтылу.

Университет бағдарламасында қазіргі заманғы сұранысқа ие мамандықтарды оқыту да енеді, әсіресе Қазақстанға әлі таралмаған мамандықтар. Соның арқасында университеттің индустриялық ынтымақтастығы артып, жобалардың практикалық мәніне аса зор көңіл бөлінеді, инновациялық-зерттеулерлік қызмет те артып, жаңа стартаптардың, әрі өндіріс орындары үшін жүргізілетін зерттеулердің саны өседі.

2015 жылы университетте 2016–2025 жылдарға арналған University-2025 жол картасы қабылданды. Бұл даму стратегиясы бойынша университет осы уақыт аралығында дүние жүзінің ең үздік топ-300 жоғары оқу орындары қатарына (Times Higher Education Ranking) енуі тиіс. Сөйтіп, университеттің жаңаша даму курсы студенттерге жоғары сапалы білім алып, Қазақстанда да, шетелде де жақсы қызметке орналасып, еңбек жолын бастауға кепілдік береді.

Еншілес ұйымдар

Холдинг Satbayev University

Сандық техника және технология институты

Өндірісті автоматтандыру, машиналы интеллект және big data саласында Қазақстандағы ең жетекші ұйымдардың бірі. IT және 3D-технологиялары жөнінде зерттеулер жүргізеді, өндірісті автоматтандыру, сандық технология енгізу және аспап жасау жөніндегі инновациялық технологияларды өңдеумен, оны өндіріске енгізу жұмыстарымен шұғылданады. Институт құрылымында Автоматтандыру орталығы, Тәжірибелік- конструкторлық бюро, Суперкомпьютермен модельдеу зертханасы бар. Олар үлкен көлемді мәліметтерді өңдеуге, бағдарламамен қамтамасыз ету жобаларын жасауға мүмкіндік береді. Институт ұжымы ірі өндіріс орындарына арналған бизнес-үрдістерді интеграциялық жобалау жөнінде ТМД елдері арасындағы әзірге жалғыз жүйенің авторы болып табылады.

http://idet.kz

«Парасат» ұлттық ғылыми-технологиялық орталығы

Алғашқы бастамашылық бағыттағы қызметте жоғары сұранысқа ие және бәсекеге төтеп бере алатын инновациялық ғылыми өңдеулерді үнемдеу мақсатында құрылған Ғылыми-технологиялық және білім беру орталығы. Бұл ірі холдинг тау-кен-металлургия және көмірсутек өндіру секторына арналған технологияларды өңдеп, оларды өндіріске енгізумен айналысады, солармен байланысты қызмет түрлерін көрсетеді. Сонымен қатар кенді және техногенді шикізатты металлургиялық қайта өңдеуден өткізу мен оны байыту, металл және қорытпалар өндіру саласында жобалар жасайды, күн және су энергетикасы саласында зерттеулер жүргізеді, сондай-ақ білім берудің мультимедиалық өнімдерін жасайды. Орталық 2008 жылы 3 шілдеде құрылған, оның құрамында ғылым мен өндіріс саласында жан-жақты қызмет ететін 12 ұйым бар. Сәтбаев Университеті 2014 жылы 19 желтоқсанда оның құрамына енді.

http://www.parasat.kz

«Фитохимия» ғылыми-өндірістік орталығы

Өсімдік шикізатын фитохимиялық зерттеу және олардың негізінде дәрі-дәрмек жасау саласында Қазақстан Республикасындағы ең жетекші ғылыми орталықтардың бірі. Холдинг отандық дәрі-дәрмек өндірісіне қажетті кешенді өңдеу жұмыстарын жүргізеді: биологиялық жағынан белсенді дәрілік шөптерді іздеп табумен, олардың түрлерін өсіріп және өңдеумен қатар, фитопрепараттардың жаңа түрлерін тәжірибелік зерттеу мен өндіруге дейінгі жұмыстарды атқарады. Орталықтың ең басты қызметтерінің бірі – отандық химия және фармацевтика өнеркәсібін дамытуға арналған ғылыми және инновациялық технологиялық жобаларды жасау мен өндіріске енгізу. «Парасат» ұлттық ғылыми-технологиялық орталығының бұл еншілес ұйымы 1995 жылы құрылған.

http://www.phyto.kz/ru/

Физико-техникалық институт

Физико-техникалық институт – Қазақстанда материал тану, жоғары энергия және космостық сәулелер физикасы саласындағы жетекші ғылыми-зерттеу институттарының бірі. Іргелі және қолданбалы зерттеулер жүргізу мен инновациялық жобаларды іске қосу үшін институтта қазіргі заманғы ғылыми-технологиялық және аналитикалық инфрақұрылым толық жеткілікті. Ол зерттеулердің нәтижесін іске қосу Қазақстанда ғылымды қажет ететін инновациялық өндірістерді дамытуда маңызды болып саналады. Әрі ол зерттеулер халықаралық дәрежеде қолдау тауып, АҚШ, Евроодақ елдері мен Жапонияның белгілі ғылыми басылымдарында жарық көрген.

http://www.sci.kz

У. Ахмедсафин атындағы Гидрогеология және геоэкология институты

Бұл институт Қазақстан Республикасында гидрогеология, геоэкология және су ресурстарын тиімді пайдалану жөніндегі іргелі және қолданбалы мәселелерді шешу саласы бойынша қызмет ететін жалғыз ғылыми ұйым болып табылады. Институт жер асты суларының әр түрлерін анықтау, жер асты су ресурстарын іздеп табу мен олардың сапасын бағалау әдістері туралы заңдылықтар орнату саласында ірі-ірі іргелі және аймақтық зерттеулер жүргізеді, сондай-ақ ауыз суға химиялық анализ жасаудың қазіргі заманғы әдістерін қолдана отырып, техногенді гидрогеологиялық үрдістерді жобалайды және гидрогеологиялық стратификация жасап, оларды картаға түсіреді. Институт зерттеулерінің нәтижелері дүние жүзіне кеңінен танымал. Институт Қ. И. Сәтбаев атындағы Геологиялық ғылымдар институтының гидрогеология және инженерлік геология бөлімі негізінде 1965 жылы құрылған.

http://www.hydrogeology.kz

Қазақстан Республикасы География институты

Бұл институт табиғат пен қоғамның бір-біріне қатынасының кешенді мәселелерін шешумен шұғылданады. Ол Қазақстанда академиялық бағыттағы зерттеу орталықтарының ең көнесі және Орталық Азия аймағында географиялық бағыттағы жалғыз ғылыми-зерттеу институты болып табылады. Институт зерттеулері республиканың экологиялық мәселелерін шешуге және табиғи ресурстар потенциалын бағалауға бағытталған. Институт қызметінің негізгі бағыттары – гидрология, гляциология, геоморфология, ландшафт тану, картография жасау. Институт мемлекеттік және мемлекетаралық ірі-ірі ғылыми жобаларға қатысып, әртүрлі ғылыми-қолданбалы мәселелерді шешуге ат салысты (атап айтқанда, Арал теңізі мәселелері, Балқаш, Каспий өңірі және Семей өңірінің мәселелері). Шетелдік компаниялармен және кәсіпорындармен бірлесе жасаған ғылыми зерттеулері халықаралық дәрежеде қолдау тапты. Институт ҚазССР ҒА-ның География секторы негізінде 1983 жылы 7 шілдеде құрылған.

https://ingeo.kz/

Қ.И. Сәтбаев атындағы Геологиялық ғылымдар институты

Институт – Қазақстандағы жетекші ірі геологиялық ғылыми-зерттеу орталық болып табылады, оның қарамағында жоғары білікті кәсіби мамандар қызмет етеді. Орталық қазіргі заманғы зерттеу-аналитикалық кешенімен жабдықталған және ол аймақтық геология, стратиграфия, минералогия, қатты, сұйық және газ тәрізді жүйелердің геохимиясы, пайдалы қазбалар кен орындары мен мұнай геологиясын зерттеу салалары бойынша жан-жақты тереңдетілген зерттеу жүргізуге мүмкіндік береді. Институт базасында ЮНЕСКО-ның Халықаралық геологиялық корреляция комитеті белсенді түрде қызмет етеді. Сонымен қатар институт алыс және жақын шетелдердің (Ресей, ҚХР, Сербия, Германия, АҚШ, Англия, Жапония, Түркия, Бельгия және т. б.) белгілі компаниялары және мен бірлесе отырып, әртүрлі бағдарламалар мен жобалар бойынша ғылыми және қолданбалы зерттеу жұмыстарын жүргізеді. Институт 1940 жылы Қаныш Имантайұлы Сәтбаевтың қолдауымен құрылған.

http://ign.kz

Сейсмология институты

Қазақстан Республикасын сейсмологиялық қауіпсіздікпен қамтамасыз ету мәселелерімен айналысатын, әрі сол жөнінде іргелі және қолданбалы зерттеулер жүргізетін бірден-бір мамандандырылған жалғыз ұйым болып табылады. Институт сейсмологиялық қауіпсіздікті, жер сілкінісін болжау, оның шығындарын анықтау, табиғи және техногенді күшті жер сілкіністерінің болу мүмкіндіктерін азайту бағытындағы көптеген ғылыми жобаларды жүргізеді. Институт құрамында 9 ғылыми-тәжірибелік зертхана бар, оларда іргелі және қолданбалы зерттеулер жүргізіледі. Сонымен қатар еліміздің сейсмикалық жағдайын, геофизикалық өрісін, Қазақстанның оңтүстік-шығыс аймағындағы жер асты суларының химиялық құрамын үнемі қадағалап отыратын алдыңғы қатарлы бағдарламалық және техникалық құралдармен жабдықталған Сейсмологиялық жағдай орталығы институт базасында «Сейсмологиялық ақпарат мониторингі» 024 бағдарламасы аясында құрылған. Ал Сейсмология институты 1976 жылы 16 маусымда құрылып, 2012 жылы ресми түрде ЮНЕСКО-ға тіркелді.

www.seismology.kz

Металлургия және байыту институты

Дүниежүзілік дәрежедегі ірі ғылыми-зерттеу институты минералды шикізат көздерін байыту, металлургия мен материалтану саласы бойынша жаңа технологияларды өңдеп, іргелі және қолданбалы зерттеулер жүргізеді. Сондай-ақ минералды шикізат көздерін байыту, металлургия мен материалтану саласының теориялық негіздерін дамытумен, соның нәтижесінде республиканың тау-кен-металлургия саласына арналған бәсекеге қабілетті технологияларды өңдеумен айналысады. Институттың металлургиялық ғылым мен практика саласындағы жетістіктері отандық және шетелдік (АҚШ, Канада, Швейцария, Германия, Англия, ҚХР, Испания, Корея, Бельгия, Чехословакия, Жапония, Венгрия, Югославия, Түркия, Ресей және т. б.) ірі конференциялар мен симпозиумдарда жоғары бағаланып келеді.

http://imio.kz

Алтай геология-экология институты

Қазақстанның шығысында минералды шикізат көздерін өндіру, оның экологиялық қауіпсіздігін және қоршаған ортаға тигізетін әсерін анықтаумен шұғылданатын жетекші ғылыми ұйым. Институт іргелі және қолданбалы геологиялық ғылым саласын дамытумен, ғылыми-зерттеулік және қолданбалы жұмыстар жүргізеді. Оның қызметі Шығыс Қазақстанның минералды шикізат базасын қамтамасыз етуге және еліміздің кенді аймақтарындағы тұрғындардың экологиялық таза жағдайда өмір сүру қауіпсіздігін қамтамасыз етуге бағытталған. Институт 1949 жылы құрылған Қ. И. Сәтбаев атындағы Геологиялық ғылымдар институтының Алтай бөлімшесі негізінде 2007 жылы желтоқсан айында ашылған.

Жоғары

Қате кетті!

Жолдарды дұрыс толтыруға тырысыңыз.

Сіздің мәліметтеріңіз сәтті жіберілді!

Жақын арада біз Сізбен хабарласамыз.