Университет басшылығы

Beisembetov

Бейсембетов Ескендір Қалыбекұлы

Ректор

ҚР Ұлттық ғылым академиясының академигі, экономика ғылымдарының докторы, профессор. Әр жылдарда Қазақ-Британ техникалық университетінің ректоры, ҚР Стратегиялық жоспарлау жөніндегі агенттіктің төрағасы, ҚР Ұлттық банк төрағасының орынбасары, Экономикалық зерттеулер институтының директоры қызметін атқарды.

Mukhtybaev

Мықтыбаев Берік Хамитұлы

Ректор аппаратының жетекшісі

Қазақстан Республикасының «Сырбар» сыртқы барлау қызметінің запастағы полковнигі. Көптеген марапаттар иесі атанған – 8 мемлекеттік, 10 – ведомстволық, 3 – құрмет және басқа да медальдармен марапатталған.

 
Sydykov

Сыдыков Ұлықпан Есілханович

Ректор аппараты жетекшісінің орынбасары

Философия ғылымдарының докторы, профессор. Қазақстанның еңбек сіңірген қызметкері, ҚР Жаратылыстану ғылымдары академиясының және басқа да академиялардың академигі, Қазақстан жоғары мектебінің еңбек сіңірген қайраткері, Сәтбаев Университетінің ардагері. Ол Қазақстанда техникалық білім жүйесін жаңартушы ретінде кеңінен таныс. Қазақ эстрадасының аңызына айналған әйгілі «Дос-Мұқасан» ансамблін құрушылардың бірі. «Нұр Отан» партиясы бастауыш ұйымының төрағасы, 350-ден астам ғылыми еңбектің авторы. «КСРО білім беру саласының үздігі», «ҚР білім беру саласының құрметті қызметкері», «ҚР еңбек сіңірген мәдениет қызметкері», «ҚР ғылымын дамытуға қосқан үлесі үшін» атты төсбелгілермен, «Сауап» медалімен және А. Байтұрсынов атындағы медальмен марапатталған.

Barmagambetov

Бармағамбетов Бақытжан Зиуадинұлы

Корпоративтік даму жөніндегі проректор

Экономист, іскерлік әкімшілік докторы. Әр жылдары әртүрлі қызметтер атқарды: Ақтөбе қаласы әкімінің орынбасары, ҚР Индустрия және сауда министрлігінің Аймақтық индустриялық саясат департаментінің директоры, «Қазақ мұнай және газ институты» АҚ бас директорының бірінші орынбасары, «ҚазақОйлЕмбі» ААҚ-ның бірінші вице-президенті, «Халық банктің» Челябинск қаласындағы еншілес банкінің басқарма төрағасы қызметін атқарып, республикада бірнеше банк басшылығының құрамына енді. «Астанаға – 10 жыл» және «KAZENERGY» медальдарымен марапатталған.

 
Kenzhealiev

Кенжалиев Бағдәулет Кенжалиұлы

Ғылым жөніндегі проректор, Металлургия және кен байыту институтының Бас директоры

Химия саласындағы техника ғылымдарының докторы, профессор. «Қазақстанға еңбегі сіңген қайраткер» құрметті атағының және «ҚР ғылымын дамытуға қосқан үлесі үшін» төсбелгісінің иегері, ғылым және техника саласы бойынша Қазақстан Ленин комсомолы сыйлығымен және КСРО ХШЖК-нің екі бірдей қола медалімен марапатталған. Әр жылдары әртүрлі қызметтер атқарды: Қазақ-Британ техникалық университетінің инновациялық қызмет жөніндегі вице-президенті, «ЦНЗМО» АҚ-ның президенті қызметінде болды. Металлургия және кен байыту, машина жасау, мұнай-газ саласы бойынша көптеген іргелі және қолданбалы зерттеулер бағдарламасының жетекшісі болды. Бүгінгі таңда мұнай-газ саласында ақпараттық технологиялар жөніндегі бағдарламаларға басшылық етеді. Халықаралық ғылыми үрдістерге белсене қатысады, көптеген халықаралық ғылыми жобалардың координаторы, халықаралық эксперт дәрежесі бар. 450-ден астам ғылыми еңбектер мен 7 монография және 72 өнертабыстың авторы.

Iskakov

Искаков Ринат Маратұлы

Академиялық жұмыстар жөніндегі проректор

Химия ғылымдарының докторы, доцент. Әр жылдары әртүрлі қызметтер атқарды: Қазақ-Британ техникалық университетінің Халықаралық департаменті директоры, ҚБТУ-дың Химиялық инженерия ғылыми-білім беру орталығының директоры. Жоба менеджері, Project Management Institute мүшесі, 180 жарияланым, оның ішінде 8 монография мен кітаптың авторы.

Жоғары

Қате кетті!

Жолдарды дұрыс толтыруға тырысыңыз.

Сіздің мәліметтеріңіз сәтті жіберілді!

Жақын арада біз Сізбен хабарласамыз.