26 сәуір 2018
93825
Сәтбаев университетінде оқуға грантқа ие болу үшін қанша балл жинау керек?
Бұл сұраққа дәл қазір тура жауап беру қиын, өйткені грант арнайы байқау негізінде бөлінеді де, шектік балл жыл сайын өзгеріп отырады. Оның биылғы жобасын білу үшін былтырғы 2017 жылғы гранттық шектік балл көлеміне жүгінсе болады. Мысалы, «Мұнай-газ ісі» сияқты жоғары сұранысқа ие мамандыққа грантқа өту үшін небары 65 балл қажет болған еді. Биыл техникалық мамандықтарға қосымша 11 мың грант бөлініп отыр, сондықтан грантқа оқуға түсу биыл жеңілдірек болады.
Сәтбаев университетінің көмек беру жүйесі өте бай және инфрақұрылымы өте тамаша.
- Университет Алматының тарихи орталығында орналасқан;
- 10 оқу корпусы мен 6 жатақханасы бар;
- 2 миллионнан астам кітап қоры бар кітапхана;
- 500 орындық компьютерлік класс бар;
- 2 футбол алаңы бар.
Сырттан келген студенттердің барлығы жатақханамен қамтамасыз етіледі, айлық төлемі небары 3100 теңге. Жатақханалар кампус территориясында орналасқан.
