Көлік және көлік жүйелерінің технологиясы мен автоматизациясы
  • Мемлекеттік гранттар конкурсына қатысу үшін өтінішті қалай толтыру керек?

    1. Өтініш бермей тұрып, Сәтбаев университетінің өзіңізге ұнаған білім беру бағдарламасының біреуін таңдап алыңыз; әрине, ол бағдарлама сіз ҰБТ кезінде тапсырған бейінді пәндерге сәйкес келуі керек.

    2. Білім беру бағдарламалары тобынан өзіңіз таңдаған бағдарламаның код номерін жазып алыңыз (кестедегі «Білім беру бағдарламаларының тобы» деген бағанда).

    3. Грант алу үшін толтырылған өтінішке осы топтың код номері мен Сәтбаев университетінің код номерін жазыңыз (Қ.И.Сәтбаев атындағы Қазақ ұлттық техникалық зерттеу университеті): 029.

    4. «Оқу траекториясы» деген бағандағы код номерін қолдану қажет емес. Ол өткен жылғы мамандықтардың код номерлерін (2019 жылға дейін) білім беру бағдарламаларының жаңа код номерімен («Білім беру бағдарламаларының тобы» деген баған) салыстыру үшін және сізге ыңғайлы болу үшін келтірілген.

    Толығырақ

ҚР БжҒМ білім беру бағдарламалары тобы

Кешенді тест элементтері

M104 Көлік, көлік техникасы және технологиялары

Машина бөлшектері

Көлік техникасының энергетикалық қондырғылары

M151 Көлік қызметі

Көлік түрлерінің өзара байланысы

Тасымалдауды ұйымдастыру және қозғалысты басқару

M152 Логистика (сала бойынша)

Жеткізілім тізбегін басқару

Көлік логистикасы

Көлік техникасын жобалау, дайындау, сынау, пайдалану және жөндеу саласына қажетті мамандарды даярлау.

Түлектерге 1,5 жылдық оқу кезінде техника және технология магистрі, ал 2 жылдық оқу кезінде техника ғылымдарының магистрі академиялық дәрежесі беріледі.

Түлектер көлік техникасын құру және жөндеу бойынша құжаттаманы әзірлеу, көлік техникасын және құралын дайындау технологиясын оңтайландыру, дайын өнімнің сапасын бақылау, сонымен қатар көлік техникасын пайдалану және жөндеумен байланысты қызметтерді басқару мүмкіндігіне ие болады.

Магистранттар компьютерлік техникамен, бағдарламалық құралдарымен, заманауи қондырғылар және аспаптармен жабдықталған 30 мамандандырылған зертханаларда тәжірибе жинақтап, біліктілікке ие болады. Оқу барысында ADEM, SolidWorks, AutuDesk, Компас 3D, MSC Nastran, Comsol multiphisics, және APM WinMachine сияқты халықаралық деңгейдегі жаңа автоматты жобалау жүйелері қолданылады.

Институт көптеген шетелдік техникалық университеттермен бірігіп жұмыс істейді және TFH Georg Agricola (Германия), Pennsylvania State University, University de Loraine, AGH University of Science and Technology, CAUST, University Texas, Braunswille, University of Science and Technology Liaoning (Қытай) т.б. университет профессорларымен байланыс орнатқан. Магистранттар әлемнің барлық техникалық университтерінде шетелдік тәжірибеден өте алады.

Түлектер инженер-механик ретінде машина жасау зауыттарының көліктік кешендерінде, көліктік техниканың жұмысын іске асырушы кәсіпорындарда, машина жасау және жөндеу зауыттарының фирмалық және диллерлік орталықтарында, жобалау-конструкторлық бюроларда, инженерлік-техникалық қызмет көрсету орындары мен өндірістік бөлімшелерде жұмыс жасайды.