Түсу туралы толық ақпарат

Қайырлы күн, құрметті талапкер!

Бәріне белгілі, Сәтбаев университеті (СУ) – Қазақстан жоғары оқу орындары арасында алдыңғы қатардан орын алатын техникалық университет. Жыл сайын мемлекет бөлетін 54 000 грантқа қосымша 2018–2019 оқу жылына тағы да 20 000 грант бөлінді. Оның ішінде 11 000 грант техникалық мамандықтарға, яғни Сәтбаев университетінде оқытылатын болашақ инженер мамандарға арналған. Биылғы 2018 жылы олардың көпшілігін Сәтбаев университетінің талапкерлері таңдап алғаны – қуанышты жағдай. Соның арқасында университет өз кезегінде талапкерлерге, магистранттар мен докторанттарға гранттық негізде тегін оқуға мүмкіндік беріп отыр. ҚР Білім және ғылым министрлігі атап өткендей, алдағы уақытта да техникалық мамандықтарға деген сұраныс өсе түседі.

Сәтбаев университеті негізінен үш бағдарлама бойынша білім береді: бакалавриат, магистратура және докторантура. Сонымен қатар колледжді бітіргендер үшін арнайы оқу бағдарламасы және онлайн-форматта екінші жоғары білім алу бағдарламасы бар.

Бағдарламалар бойынша оқу мерзімі:

Бакалавриат – 4 жыл.
Колледжден кейінгі бакалавриат – 3 жыл.
Екінші жоғары білім (дистанциондық технология бойынша оқу) – 2 жыл.
Ғылыми-педагогикалық магистратура – 2 жыл.
Бейінді магистратура – 1 жыл және 1,5 жыл.
Докторантура – 3 жыл.
Оқу түрі: күндізгі
Оқу шарты: мемлекеттік грант негізінде немесе келісім-шарт негізінде.

Университетке құжаттарды тапсыру үшін kb.satbayev.university сайтында тіркеуден өту керек, тіркелу рұқсатын алғаннан кейін қабылдау комиссиясына барлық құжаттардың түпнұсқасын немесе нотариальды түрде бекітілген көшірмелерін тапсыру керек. Гранттық негізде оқуға түсу үшін, ҚР БжҒ министрлігі белгілеген мерзімде мемлекеттік білім беру гранттарына арналған байқауға қатысу үшін өтініш толтыру керек.

Қабылдау комиссиясына тапсырылатын құжаттарды жеке-жеке файлдарға, бір папкаға толтырады. Сыртқы бетіне: талапкердің аты-жөні (толықтай); білім беру бағдарламасының шифры мен атауы; мекенжайы; қала коды; телефоны; ұялы телефоны, электрондық мекенжайы және оқуға түскен жылы жазылады.   

Сәтбаев университетіне қош келдіңіздер!

Бакалавриат

Бакалавриат бағдарламасына жалпы орта білімі, бастапқы кәсіби және техникалық (немесе орта кәсіби техникалық), орта мектептен кейінгі, жоғары (кәсіби жоғары) білімі бар азаматтар қабылданады. Мектеп түлектері қорытынды емтихандармен қатар жоғары оқу орнына түсу үшін Ұлттық бірыңғай тест (ҰБТ) тапсырады. Жоғары оқу орнын бітірген түлектер бакалавр дәрежесін алып шығады. Екінші жоғары білім Қазақстанда ақылы түрде беріледі және жылдамдатылған бағдарлама бойынша 2–3 жыл оқытылады.

Оқуға құжаттарды қабылдау 1 маусымнан 25 тамызға дейін жүргізіледі. Алайда кейбір түсу емтихандарына шектеу қойылып, осы аралықта белгілі бір кезеңдерде жүреді. Сондықтан та қажетті кезеңді қабылдау комиссиясынан нақтылап білу керек. Ал грантқа ие болғаны туралы толық шешім тамыз айының басында бұқаралық ақпарат құралдарында жарияланады.

Қабылдау комиссиясының жұмыс уақыты:

Шет тілдерде ұсынылған құжаттардың қазақша немесе орысша аудармасы нотариат тарапынан куәландырылған болуы керек.

ҰБТ мтапсыру

ҰБТ-да жалпы білім беру мектептерінің оқу бағдарламасын ағымдағы жылы толық меңгерген түлектер арасында меншік нысанына немесе ведомстволық бағыныштылық түріне қарамастан жүргізіледі.

ҰБТ-ға қатысу үшін өтініштер 1 сәуірден – 10 мамырға дейін қабылданады. ҰБТ 20 маусымнан бастап, 5 шілдеге дейін өтеді. Тест тапсыру ақылы түрде жүреді – 2242 теңге. Сонымен қатар «Қазақстан Халық банкі» АҚ-ның терминалы арқылы да төлеуге болады.

Биылғы жылы ҰБТ форматы өзгерген жоқ, алайда ЖОО-на түсу үшін берілетін мемлекеттік гранттар бұрын тек мамандықтар бойынша ғана бөлінетін еді, ал қазір – білім беру бағдарламаларының топтарына қарай бөлінеді. Әрбір топқа ЖОО-ның бір немесе бірнеше білім беру бағдарламалары кіреді. Енді оқу түскен кезде талапкер оқу бағытын ғана таңдап, барлық топ бірге оқиды, тек 3-курсқа келгенде ғана мамандық бойынша бөлінеді.

Осылайша, егер талапкер маусым айындағы ҰБТ-да Математика + Физика пәндерін таңдаған болса, онда берілген бірнеше білім беру бағдарламаларының ішінен біреуін таңдау мүмкіндігі бар. Осыған орай талапкер таңдаған жоғары оқу орнына оңай түсу үшін қосымша мүмкіндіктер пайда болды.

ҰБТ жаңа форматының негізгі ережелері:

• ЖОО түсу үшін енді ҰБТ-ны жылына төрт рет тапсыруға болады;
• Әрбір тапсырған сайын әртүрлі бейінді пәндерді де таңдауға болады;
• Білім беру гранттарының байқауына ҰБТ-ны тек жазғы кезеңде (20 маусымнан 5 шілдеге дейін) тапсырып, шектік балл жинаған талапкерлер ғана қатыса алады;
• Техникалық және кәсіби орта білім беру орындарының түлектері ҰБТ тапсырмай-ақ, ЖОО-на тек ақылы оқу түріне ғана түсіп, өз мамандығына қысқартылған бағдарлама бойынша оқи алады. ЖОО тіркелу үшін сол оқыған оқу орнында тапсырған емтихандардың нәтижесі жеткілікті болады;
• Кешенді тест тапсыру қазір ҰБТ-мен біріктірілді.   

Жиындық қорытынды аттестация мектептерде тест күйінде мына пәндер бойынша тапсырылады:

1. Ана тілі мен әдебиеті (жазбаша эссе түрінде);
2. Орыс, ұйғыр, тәжік тілінде оқытатын мектептерде қазақ тілінен. Қазақ тілінде оқытатын мектептерде орыс тілінен (тестілеу);
3. Қазақстан тарихы (ауызша емтихан);
4. Алгебра және анализ бастамалары (жазбаша);
5. Таңдау бойынша бір пән (физика, химия, биология, география, геометрия, дүние жүзі тарихы, әдебиет, информатика, шетел тілі (ағылшын, француз, неміс).

ҰБТ тапсыруға жалпы білім беретін мектептердің барлық түлектері қатыстырылады. 

ҰБТ форматы екі бөлім тұрады. Құрамында 20 тапсырмасы бар 3 міндетті пән бойынша:

• математикалық сауаттылық;
• оқу сауаттылығы (жалпылау, салыстыру және салғастыру жөніндегі білімін тексеру);
• Қазақстан тарихы.

Құрамында 30 тапсырмасы бар 2 бейінді пән бойынша:

• математика және физика;
• математика және география;
• тарих және география;
• биология және химия;
• биология және география;
• шет тілі және тарих;
• оқу тілі, әдебиет және тарих;
• география және шет тілі;
• химия және физика;
• тарих және Адам. Қоғам. Құқық.

Сәтбаев университетінде физика, математика, география және химия бейінді пәндер болып саналады.

Колледж түлектері сол алған мамандықтары бойынша әрі қарай жоғары оқу орнына түсетін болса, онда 2 бейінді пәннен ғана түсу емтихандарын тапсырады. Ал егер де басқа мамандықты таңдайтын болса, онда ҰБТ бойынша толық емтихандарды тапсырады.

Барлығы 120 сұрақ. Тапсырма дұрыс орындалған кезде қойылатын баға: берілген 5 жауаптан 1 дұрыс жауап таңдалса – 1 балл, берілген бірнеше жауаптардан 1 немесе бірнеше дұрыс жауап таңдалса – 2 балл.

Тест тапсыруға келген кезде өзімен бірге болу керек: жеке куәлік, тест тапсыруға рұқсат берілген қағазы, қара немесе көк сиялы қалам.

Тест тапсыруға берілетін уақыт – 3 сағат 50 минут. Ең жоғары балл – 140 балл (бейінді пәндер бойынша берілген дұрыс жауаптардың есебінен). Шығармашылық емтихан тапсыруды қажет ететін мамандықтарға түсу үшін ең жоғары балл – 120 балл.

Грант алу байқауына қатысу үшін қажет ең төменгі балл – 65 балл. Бейінді мамандықтарға түсу үшін шектік балл – 5 балл.

Осы шектік баллды ала алмаған талапкер 2019 жылы тамыз айында немесе 2020 жылы қаңтар айында ҰБТ-ны қайтадан ақылы түрде тапсыруға құқылы. ҰБТ-ны қайтадан тапсыру құны – 2242 теңге.

Егер де белгілі бір себептермен талапкер өзіне тиесілі пунктте ҰБТ-ға қатыса алмай қалса, онда комиссияның шешімі бойынша ол келесі күні басқа пунктте тапсыруға құқылы. Ұқсас бағыттар бойынша қысқартылған оқу мерзім ішінде мамандар даярлайтын жоғары білім беру бағдарламаларына түсетіндер ҰБТ нәтижесінде кем дегенде 25 балл жинаулары керек, оның ішінде жалпы кәсіби пән бойынша кем дегенде 5 балл және арнайы пәннен де кем дегенде 5 балл болуы керек. Бұған шығармашылық емтиханды талап ететін жоғары білім беру бағдарламалары есепке алынбайды.

Тест тапсырушылардың сұрақтары тест тапсырмаларының мазмұны мен техникалық себептерге қатысты болса ғана апелляционная комиссия олардың өтініштерін қабылдап, талапкерге қосымша балл қосу туралы шешім қабылдайды және апелляцияның қорытындысын жариялайды.

Апелляция қатысты өтінішті тест тапсырушы апелляциялық комиссия төрағасының атына жеке өз атынан жазып тапсырады. Тест тапсырмаларының мазмұны мен техникалық себептерге қатысты өтініш тест тапсырмаларының нәтижесі шыққаннан кейінгі ертеңгі күні сағат 13.00-ге дейін қабылданып, сол күні апелляциялық комиссия оны қарастырады. Өтініш берушіде өзімен бірге жеке куәлік пен ҰБТ-ға қатысуға рұқсат берілген қағазы болуы керек.

 

Бакалавриаттың 2019–2020 оқу жылына арналған білім беру бағдарламаларының тізімі

 

2019 жылы Сәтбаев университетіне грантқа түсу үшін болған шектік балл?

Бұл сұраққа дәл қазір жауап беру өте қиын, өйткені гранттар байқау негізінде бөлінеді, соған байланысты шектік балл да жыл сайын өзгеріп тұрады. Әрине, 2018 жылғы гранттың шектік балл көлеміне қарап шамалауға болады. Мысалы, тіпті ең жоғары сұранысқа ие «Мұнай-газ ісі» мамандығына өту үшін небары 68 балл жеткілікті болды. Ал биылғы жылы Сәтбаев университеті білім беру бағдарламаларының жаңа жүйесін енгізіп отыр.

Енді университетке оқуға түскен кезде Сіз белгілі бір бағытты таңдап, сол жылы түскен барлық студенттермен бірге оқитын боласыз. Тек 3-курсқа келген кезде ғана өз бағытыңыз бойынша мамандық таңдап, сол бойынша оқитын боласыз. Бұл әдіс мамандық таңдауды әрі оқуға түсуді жеңілдетеді. Былтырғы жылы техникалық мамандықтарға қосымша 11 мың грант бөлінгенін есепке алатын болсақ, биылғы жылы оқуға түсу тіпті де оңай болмақ. Мысалы, еңбек нарығында бағдарламашыларға деген сұраныстың жоғары болуына байланысты «Компьютерлік ғылымдар» бағдарламасына енетін «Ақпараттық жүйелер» мамандығына түсу үшін небары 66 балл жеткілікті болды.

2019 жылы Сәтбаев университетіне грантқа оқуға түсуге белгіленген шектік балл мөлшері

 

2019 жылғы жаңа білім беру бағдарламалары бойынша гранттар саны

ҰБТ нәтижелері

Грантқа ие болу үшін негізінен ҰБТ емтихандары кезінде жиналған балл жиыны әсер етеді. Орташа алғанда 65-тен бастап 90-нан жоғары балл жинаған талапкерлер ғана грантқа қол жеткізе алады. Бұл балл жиындарын төмендегі пәндерді тапсыру арқылы жинақтайды:

• Қазақстан тарихы;
• Математикалық сауаттылық;
• Оқу сауаттылығы;
• Бейінді пән;
• Бейінді пән.

Егер де ҰБТ  кезінде талапкер әрбір жеке пәннен 5-тен төмен балл алған болса, онда ол грант байқауына жіберілмейді.

Ерекше көңіл бөлетін жағдай: талапкер әрбір жеке пән мен бейінді пәндерден де 5 және одан жоғары балл алуы тиіс.

Колледж түлектері жоғары оқу орнына түсу үшін тек екі пәннен ғана емтихан тапсырады. Сондықтан да, егер мектеп бітірушілер үшін ең жоғары балл – 140, ал шектік балл – 65 болса, колледж түлектері үшін ең жоғары балл – 70, ал шектік балл – 25 болады деп белгіленген.

ҰБТ нәтижесі бойынша бұл шектік баллды жинай алмаған талапкерлер жоғары оқу орнының күндізгі оқу бөліміне тек ақылы негізде ғана оқуға түсе алады да, қаңтар айында ҰБТ қайтадан тапсыратын болып шарттасады.

 

Жалпылама негізде байқауға қатысу үшін қажетті құжаттар жиыны

ҰБТ нәтижесі бойынша сертификат алған талапкерлер грант алу байқауына қатысу үшін төмендегі құжаттарды тапсырады:

1. Жалпы білім беретін орта мектепті немесе бастапқы кәсіби оқу орнын бітіргені туралы аттестат немесе диплом (түпнұсқа);
2. ҰБТ нәтижесі бойынша берілген сертификат;
3. Талапкердің жеке куәлігі (түпнұсқа мен көшірмесі);
4. № 086/у үлгісіндегі медициналық анықтама флюорография суретімен;
5. 3х4 көлемді екі фотосурет;
6. Байқауға қатысу үшін өтініш (үлгісін қабылдау комиссиясы береді).

Жеңілділігі бар талапкерлерге арналған құжаттар жиыны

Жеңілділігі бар талапкерлер (жетім балалар) мына құжаттардың түпнұсқасы мен көшірмесін тапсырулары тиіс:

1. Туу туралы куәлік;
2. Әкесінің немесе шешесінің қайтыс болғаны жөніндегі куәлік.

Бала кезінен мүгедек, І және ІІ топтағы мүгедектер мына құжаттың түпнұсқасын тапсырады:

1. МСЭК анықтамасы.

Сәтбаев университетінің Әскери іс институтында оқығысы келетін және медициналық байқаудан толық өткен студенттер белгіленген нормативтерге сәйкес физикалық дайындығы жөнінде тест тапсырады да, байқау арқылы іріктеп алу негізінде орынға ие болады.  

    Физикалық дайындық нормативтерінің кестесі