Түсу туралы толық ақпарат

Қайырлы күн, құрметті талапкер!

Бәріне белгілі, Сәтбаев университеті (СУ) – Қазақстан жоғары оқу орындары арасында алдыңғы қатардан орын алатын техникалық университет. Жыл сайын мемлекет бөлетін 54 000 грантқа қосымша 2018–2019 оқу жылына тағы да 20 000 грант бөлінді. Оның ішінде 11 000 грант техникалық мамандықтарға, яғни Сәтбаев университетінде оқытылатын болашақ инженер мамандарға арналған. Биылғы 2018 жылы олардың көпшілігін Сәтбаев университетінің талапкерлері таңдап алғаны – қуанышты жағдай. Соның арқасында университет өз кезегінде талапкерлерге, магистранттар мен докторанттарға гранттық негізде тегін оқуға мүмкіндік беріп отыр. ҚР Білім және ғылым министрлігі атап өткендей, алдағы уақытта да техникалық мамандықтарға деген сұраныс өсе түседі.

Сәтбаев университеті негізінен үш бағдарлама бойынша білім береді: бакалавриат, магистратура және докторантура. Сонымен қатар колледжді бітіргендер үшін арнайы оқу бағдарламасы және онлайн-форматта екінші жоғары білім алу бағдарламасы бар.

 

Бағдарламалар бойынша оқу мерзімі:

Бакалавриат – 4 жыл.

Колледжден кейінгі бакалавриат – 3 жыл.

Екінші жоғары білім (дистанциондық технология бойынша оқу) – 2 жыл.

Ғылыми-педагогикалық магистратура – 2 жыл.

Бейінді магистратура – 1 жыл және 1,5 жыл.

Докторантура – 3 жыл.

Оқу түрі: күндізгі

Оқу шарты: мемлекеттік грант негізінде немесе келісім-шарт негізінде.

 

Университетке құжаттарды тапсыру үшін kb.kaznitu.kz сайтында тіркеуден өту керек, тіркелу рұқсатын алғаннан кейін қабылдау комиссиясына барлық құжаттардың түпнұсқасын немесе нотариальды түрде бекітілген көшірмелерін тапсыру керек. Гранттық негізде оқуға түсу үшін, ҚР БжҒ министрлігі белгілеген мерзімде мемлекеттік білім беру гранттарына арналған байқауға қатысу үшін өтініш толтыру керек.

Қабылдау комиссиясына тапсырылатын құжаттарды жеке-жеке файлдарға, бір папкаға толтырады. Сыртқы бетіне: талапкердің аты-жөні (толықтай); білім беру бағдарламасының шифры мен атауы; мекенжайы; қала коды; телефоны; ұялы телефоны, электрондық мекенжайы және оқуға түскен жылы жазылады.   

 

Сәтбаев университетіне қош келдіңіздер!

Бакалавриат

Бакалавриат бағдарламасына жалпы орта білімі, бастапқы кәсіби және техникалық (немесе орта кәсіби техникалық), жоғары (кәсіби жоғары) білімі бар азаматтар қабылданады. Мектеп түлектері қорытынды емтихандармен қатар жоғары оқу орнына түсу үшін Ұлттық бірыңғай тест немесе Кешенді тест (өткен жылы түсе алмай қалған түлектер және колледж түлектері үшін) тапсырады. Жоғары оқу орнын бітірген түлектер бакалавр дәрежесін алып шығады. Екінші жоғары білім Қазақстанда ақылы түрде беріледі және жылдамдатылған бағдарлама бойынша 2–3 жыл оқытылады.

Оқуға құжаттарды қабылдау 1 маусымнан 25 тамызға дейін жүргізіледі. Алайда кейбір түсу емтихандарына шектеу қойылып, осы аралықта белгілі бір кезеңдерде жүреді. Ал грантқа ие болу туралы толық шешім тамыз айының басында бұқаралық ақпарат құралдарында жарияланады.

Оқуға түсу үшін төмендегі құжаттарды тапсыру керек.

ҰБТ мен ТКТ тапсыру үшін:

  1. Белгіленген үлгіде толтырылған өтініш;
  2. Жалпы білім беретін орта мектепті немесе бастапқы кәсіби оқу орнын бітіргені туралы аттестат немесе диплом (түпнұсқа);
  3. 3х4 көлемді екі фотосурет;
  4. № 086/у үлгісіндегі медициналық анықтама флюорография суретімен;
  5. Талапкердің жеке куәлігі (түпнұсқа мен көшірмесі);
  6. Кешенді тест тапсыру үшін төленген ақының түбіртегі.

Шет тілдерде ұсынылған құжаттардың қазақша немесе орысша аудармасы нотариат тарапынан куәландырылған болуы керек.

ҰБТ немесе ТКТ нәтижелері

Грантқа ие болу үшін негізінен ҰБТ мен ТКТ емтихандары кезінде жиналған балл жиыны әсер етеді. Орташа алғанда 65-тен бастап 90-нан жоғары балл жинаған талапкерлер ғана грантқа қол жеткізе алады. Бұл балл жиындарын төмендегі пәндерді тапсыру арқылы жинақтайды:  

  • Қазақстан тарихы;
  • Математикалық сауаттылық;
  • Оқу сауаттылығы;
  • Бейінді пән;
  • Бейінді пән.

Егер де ҰБТ немесе ТКТ кезінде талапкер әрбір жеке пәннен 5-тен төмен балл алған болса, онда ол грант байқауына жіберілмейді.

Ерекше көңіл бөлетін жағдай: талапкер әрбір жеке пән мен бейінді пәндерден де 5 және одан жоғары балл алуы тиіс.

Колледж түлектері жоғары оқу орнына түсу үшін тек екі пәннен ғана емтихан тапсырады. Сондықтан да, егер мектеп бітірушілер үшін ең жоғарғы балл – 140, ал шектік балл – 50 болса, колледж түлектері үшін ең жоғарғы балл – 70, ал шектік балл – 25 болады деп белгіленген.

ҰБТ/КТ нәтижесі бойынша бұл шектік баллды жинай алмаған талапкерлер жоғары оқу орнының күндізгі оқу бөліміне тек ақылы негізде ғана түсе алады да, қаңтар айында ҰБТ/КТ қайтадан тапсыратын болып шарттасады.

 

Жалпылама негізде байқауға қатысу үшін қажетті құжаттар жиыны

ҰБТ/КТ нәтижесі бойынша сертификат алған талапкерлер грант алу байқауына қатысу үшін төмендегі құжаттарды тапсырады:

  1. Жалпы білім беретін орта мектепті немесе бастапқы кәсіби оқу орнын бітіргені туралы аттестат немесе диплом (түпнұсқа);
  2. ҰБТ немесе ТКТ нәтижесі бойынша берілген сертификат;
  3. Талапкердің жеке куәлігі (түпнұсқа мен көшірмесі);
  4. № 086/у үлгісіндегі медициналық анықтама флюорография суретімен;
  5. 3х4 көлемді екі фотосурет;
  6. Байқауға қатысу үшін өтініш (үлгісін қабылдау комиссиясы береді).

Жеңілділігі бар талапкерлерге арналған құжаттар жиыны

Жеңілділігі бар талапкерлер (жетім балалар) мына құжаттардың түпнұсқасы мен көшірмесін тапсырулары тиіс:

  1. Туу туралы куәлік;
  2. Әкесінің немесе шешесінің қайтыс болғаны жөніндегі куәлік.

Бала кезінен мүгедек, І және ІІ топтағы мүгедектер мына құжаттың түпнұсқасын тапсырады:

  1. МСЭК анықтамасы.

Сәтбаев университетінің Әскери іс институтында оқығысы келетін және медициналық байқаудан толық өткен студенттер белгіленген нормативтерге сәйкес физикалық дайындығы жөнінде тест тапсырады да, байқау арқылы іріктеп алу негізінде орынға ие болады.     


    Физикалық дайындық нормативтерінің кестесі    

№ 

Тест мазмұны

         Тест бағасы

5

4

3

2

1

100 м-ге жүгіру (секунд)

13,2

13,5

14,2

14,5

2

3000 м-ге жүгіру (минут)

12,32

13,00

13,40

14,04

3

12 минут бойы жүгіру (км)

3-2,75

2,75-2,5

2,5-2,2

2,2-2,1 4

4

Орнында тұрып, ұзынынан секіру (м)

2,5

2,35

2,2

2,05

Жоғары

Қате кетті!

Жолдарды дұрыс толтыруға тырысыңыз.

Сіздің мәліметтеріңіз сәтті жіберілді!

Жақын арада біз Сізбен хабарласамыз.

Аудармасы жоқ


Басты парақшаға өту