Сәтбаев Университеті ғылымға аяқ басқан жас PhD докторларын құттықтады
Жаңа жыл қарсаңында Сәтбаев Университетінде PhD дәрежесін алған жас ғалымдарға диплом табыстау рәсімі салтанатты түрде өтті. Университет ректоры Мейрам Бегентаев түлектерді құттықтап, оларға сәттілік тіледі.
– Сәтбаев Университетінде доктор дәрежесін алу – бұл жоғары сапа белгісі. Біздің Ғылыми кеңестен өту, Диссертациялық кеңестен өту, сөйтіп диплом қорғап шығу – үлкен жетістік. Сіздердің арқаларыңызда таяу арада Қазақстанда жаңа ғылыми жаңалықтар ашылатынына мен кәміл сенемін, – деді салтанатты шарада Мейрам Бегентаев.
Марапаттау рәсіміне әртүрлі мамандықтардың докторанттары қатысты, атап айтқанда: химиктер, аспапшылар, гидрогеологтар, жаңа материалдар, наноматериалдар және Ақпараттық басқару жүйелері саласының мамандары қатысты. Бүгін PhD докторы дипломын алғандар:
- Кенжебаева Бибігүл
- Нұрсұлтан Жетенбаев
- Әбілезова Ғазел
- Ақбаян Бекарыстанқызы
- Асель Сейден
- Жұлдызбек Оңласынов
- Айнагүл Кемелбекова
- Әлия Әсембаева
Біз жас докторларды құттықтап, оларға тамаша ғылыми жетістіктер тілейміз!
