«Өнеркәсіптік инженерия» мамандығы бойынша оқу менің кәсіби өмірімде бағыт-бағдар болды. Әсіресе, Татыбаев Мұхтарбек Қалмырзаұлына алғысым шексіз — ол күрделі тақырыптарды қарапайым әрі түсінікті етіп түсіндіре білді, сондай-ақ әр студентке ерекше көңіл бөлді. Оның қолдауы мен берген білімінің арқасында мен қазіргі таңда жұмыс істеп жатқан «Метрологика» ЖШС компаниясына тез бейімделе алдым. Мұнда мен өндірістік тиімділік пен ішкі стандарттарды жетілдірумен айналысамын. Артыма көз жүгіртсем, оқу барысында өткен пәндердің қаншалықты маңызды болғанын түсінемін. Бұл мамандық маған теория мен тәжірибені қатар меңгеруге мүмкіндік берді. Барлық оқытушыларға көрсеткен қолдауы үшін алғыс білдіремін.