Университет басшылығы

Beisembetov

Бейсембетов Ескендір Қалыбекұлы

Ректор

ҚР Ұлттық ғылым академиясының академигі, экономика ғылымдарының докторы, профессор. Әр жылдарда Қазақ-Британ техникалық университетінің ректоры, ҚР Стратегиялық жоспарлау жөніндегі агенттіктің төрағасы, ҚР Ұлттық банк төрағасының орынбасары, Экономикалық зерттеулер институтының директоры қызметін атқарды.

Mukhtybaev

Мықтыбаев Берік Хамитұлы

Ректор аппаратының жетекшісі

Қазақстан Республикасының «Сырбар» сыртқы барлау қызметінің запастағы полковнигі. Көптеген марапаттар иесі атанған – 8 мемлекеттік, 10 – ведомстволық, 3 – құрмет және басқа да медальдармен марапатталған. Ф.Дзержинский атындағы КСРО ҰҚК-нің жоғары мектебін, РФ-ның Андропов атындағы СВР академиясын бітірген. ҚазССР ҰҚК-нің "Ардагер" сыйлығымен және Қазақстан Республикасы «Сырбар» сыртқы барлау қызметінің сыйлығымен марапатталған. КСРО ҰҚК, ҚазССР ҰҚК - ҚР ҰҚК-нің әртүрлі бөлімдерінде басшылық қызметтер атқарған.

 
Barmagambetov

Бармағамбетов Бақытжан Зиуадинұлы

Корпоративтік даму жөніндегі проректор

Экономист, іскерлік әкімшілік докторы. Әр жылдары әртүрлі қызметтер атқарды: Ақтөбе қаласы әкімінің орынбасары, ҚР Индустрия және сауда министрлігінің Аймақтық индустриялық саясат департаментінің директоры, «Қазақ мұнай және газ институты» АҚ бас директорының бірінші орынбасары, «ҚазақОйлЕмбі» ААҚ-ның бірінші вице-президенті, «Халық банктің» Челябинск қаласындағы еншілес банкінің басқарма төрағасы қызметін атқарып, республикада бірнеше банк басшылығының құрамына енді. «Астанаға – 10 жыл» және «KAZENERGY» медальдарымен марапатталған.

 
Kenzhealiev

Кенжалиев Бағдәулет Кенжалиұлы

Ғылыми жұмыстар жөніндегі проректор, Металлургия және байыту институтының Бас директоры

Қазақстанның еңбек сіңірген қайраткері, ҚР ҰҒА-ның құрметті академигі, техника ғылымдарының докторы, профессор. Ғылым мен техника саласында Қазақстан Ленин  комсомолы сыйлығының лауреаты, ҚСРО ХШЖК-нің қос бірдей қола медалінің иегері және «Қазақстан Республикасының ғылымын дамытуға қосқан үлесі үшін» төсбелгісімен марапатталған.  Әр жылдары әртүрлі қызметтер атқарды: Қазақ-Британ техникалық университетінің инновациялық қызмет жөніндегі проректоры, Металлургия және байыту институтының директоры, «ЦНЗМО» АҚ-ның президенті қызметінде болды, металлургия, кен байыту саласындағы іргелі және қолданбалы жобаларды басқарып, мұнай-газ, машина жасау саласындағы ақпараттық технологиялар жөніндегі бағдарламаларға басшылық етті. Қазіргі таңда «Қазақстан Республикасының өнеркәсіп орындарында өндірістік мәселелерді шешу, түрлі-түсті және асыл металдарды, сондай-ақ өте сирек кездесетін металдарды қазып алу жұмысын дамытуды қамтамасыз ететін инновациялық технологияларды өндіру мен оларды жүзеге асыру» бағдарламасы бойынша жүргізілетін жұмыстарға басшылық жасайды. Халықаралық ғылыми үрдістерге белсене қатысады, көптеген халықаралық ғылыми жобалардың координаторы, халықаралық эксперт дәрежесі бар. 500-ден астам ғылыми жұмыстардың, оның ішінде 88 өнертабыс пен 7 монографияның авторы.

Iskakov

Искаков Ринат Маратұлы

Академиялық жұмыстар жөніндегі проректор

Химия ғылымдарының докторы, доцент. Әр жылдары әртүрлі қызметтер атқарды: Қазақ-Британ техникалық университетінің Халықаралық департаменті директоры, ҚБТУ-дың Химиялық инженерия ғылыми-білім беру орталығының директоры. Жоба менеджері, Project Management Institute мүшесі, 180 жарияланым, оның ішінде 8 монография мен кітаптың авторы.

Naurizbaeva

Наурызбаева Ділда Кенжехановна

Ғылыми-білім беру қызметі жөніндегі проректор

Қазақ-Британ техникалық университетінің түлегі, Франциядағы Жоғары техникалық мектепте (Ecole des Mines de Nantes) «Total b.v.» компаниясының гранты бойынша оқыды, "Мұнай-газ ісі" мамандығы бойынша PhD докторы. Бұған дейін ҚБТУ-дың инновациялық білім беру қызметінің басшысы және Сандық технологиялар академиясының директоры, Сәтбаев Университетінде жоғары оқу орнынан кейінгі білім беру басқармасының директоры болды. Сәтбаев Университетінде Атом өнеркәсібінің халықаралық білім беру орталығын құру жұмыстарын басқарды.

Dzharlykasymov

Жарлықасымов Ермек Тимерханович

Корпоративтік хатшы

Еңбек өтілі 25 жылдан асатын басшы. Қазақ-Британ техникалық университетінде 12 жылдан астам әртүрлі басшылық лауазымдарды атқарды. ҚР Ұлттық банктің Мемлекеттік құндылықтар қоймасында, ҚР ішкі істер органдарында, Мемлекеттік тергеу комитетінде, Салық комитетінің бас басқармасында қызмет атқарған. Кәсіби мамандығы – заңгер және экономист.

Cherniyazdanov

Черниязданов Шыңғыс Асқарұлы

Инновациялық қызмет жөніндегі басқарушы директор

«Satbayev University & ArcelorMittal Gas Production» бірлескен кәсіпорны Бақылау кеңесінің мүшесі. Инженер-механик, Сәтбаев Университетінің «Магистральды мұнай-газ құбырлары мен мұнай-газ қоймаларының құрылысын жобалау, оларды орнату мен қолдану» мамандығы бойынша түлегі, экономика және бизнес магистрі. Зияткерлік меншікті қорғау жөніндегі заңдылықтарды, магистральды құбырлар мен газ және газбен қамтамасыз ету, жер қойнауын пайдалану туралы заңдылықтарды, салық және кедендік кодекстерді шығару, сондай-ақ ҚР-сын «жасыл экономикаға» айналдыру жұмыстарына қатысты. Қарағанды облысы шахталарынан метан іздеу мен оны өндіру жөнінде Сәтбаев Университеті мен ArcelorMittal Temirtau компаниясы арасында бірлескен кәсіпорын құру жұмыстарын басқарды. Сонымен қатар кен орындарын өңдеу және анализ жасау жөніндегі шетелдік Baker Hughes, General Electric Company корпорацияларымен бірлескен Халықаралық орталықты басқарды. CNPC, Қазақ мұнай және газ институты, «ҚазТрансГаз», «ҚазМұнайГаз» секілді ірі-ірі компанияларда қызмет етіп, ҚР территориясында Autodesk, Bentley Systems компанияларының жүйесін тарату жұмыстарын басқарды. Магистральды газ құбырларын жобалау, мұнай және газ кен орындары мен газотурбиндық қондырғыларды орнықтыру саласындағы автоматтандырылған инженерлік анализ жүйесі бойынша Халықаралық сертификат иегері (АҚШ, Ресей және Швейцария).

Kim

Ким Владислав Олегович

Бизнесті дамыту жөніндегі басқарушы директор

Әдістемеші-аналитик. Бизнес-үрдістер мен кәсіпорын операцияларында аналитикалық модель жұмыстарын және жасанды интеллекті қолдану қағидаттарының авторы. Кәсіпорын үрдісінде кең көлемді массивтерді қолдану және кәсіпорынды басқарушының ролін жасанды интеллектіні қолдану арқылы толығымен автономдық үрдіске ауыстыру жөніндегі ғылыми еңбектердің 7 авторлық куәлігінің иегері. Оның ғылыми өндірулері ҚР мен РФ территориясында жасанды интеллект пен bigdata саласы бойынша 10 млн АҚШ долларынан астам сомадағы жобалар арқылы іске қосылған. Өндірістік масштабтағы 50-ден астам жоба іске қосылған. Атап айтқанда, «Газпром мұнай» АҚ-на арналған тиімді басқару орталығы, сандық ұқсастық және қағазсыз өндіріс жүргізу, күнтізбелік жоспарлама жасау, керосин жеткізу тізбегін басқару, «Бәйтерек девелопмент» АҚ-да «Нұрлы Жер» құрылысы жұмыстарын басқару жөніндегі бағдарлама, «Өскемен титан-магний комбинаты» АҚ-да өндірісті басқару және материалдық шығындарға есеп жүргізу жөніндегі бағдарлама, зауыттан «ҚазМұнайГаз» ҰК» АҚ-на жанар-жағармай жеткізу тізбегін басқару жөніндегі бағдарлама. Ол Европа бойынша екінші орынға ие болған «Смарт Алматы» жобасын басқарды. В. Кимнің тәжірибелері бизнесті басқару жөніндегі ірі-ірі интеллектуалдық орталықтарды құруға қолданылады, бұл өз кезегінде BI орталықтары мен жағдаяттық орталықтардың жұмыстарын толығымен алмастырады. Владислав Ким ҚР мен РФ-да өнеркәсіп орындарының күрделі үрдістеріндегі кең көлемді мәліметтерге анализ жасау саласы бойынша және жасанды интеллект алгаритмін құрастыру бойынша кеңесші ретінде үнемі еңбекке тартылып, белсенді қызмет атқарады.

Abdurazakov

Абдуразақов Әлібек Қалыбекович

Оқу үрдістерін цифрлау жөніндегі басқарушы директор

Бағдарламашы, мобильдік қосымшалар өндіруші, жаратылыстану ғылымдарының магистрі. StartupYard (Прага) стартап-инкубаторына қатысушы жастардың бірі. Еңбек нарығының жағдайы туралы мол мәліметтерді машиналы оқыту алгоритмдері негізінде өңдеуге арналған сервисті жасауға қатысқан. Қазақстан-Британ техникалық университетінің әртүрлі ішкі жүйелерін жасауға қатысқан. «ҚБТУ-дың жас үздік менеджері» сыйлығының лауреаты. Онлайн оқытуға арналған интеллектуалды алаңдар, Emtihunter емтихандарын тапсыруға арналған алаңдар құрушы. Графикалық және күрделі математикалық есептерді қамтитын 200-ден астам сұрақтан тұратын онлайн тестті тапсыруға арналған алаңның авторы.

Turisbekova

Тұрысбекова Гаухар Сейтхановна

Металлургия және Өнеркәсіптік инженерия институтының директоры

ҚР Тау-кен ғылымдары Ұлттық академиясының корреспондент-мүшесі, минералдық ресурстарды жіктеу бойынша БҰҰ сараптамалық тобының мүшесі (Швейцария, Женева), профессор. Мәскеу болат және қорытпалар институтының аспирантурасын бітірген, алтын металлургиясы бойынша диссертация қорғаған. Түсті және сирек металдар металлургиясы, минералды және техногендік шикізатты кешенді өңдеу саласындағы белгілі ғалым. Бес монография мен 50-ден астам мақаланың авторы, оның басшылығымен биотехнологиялық әдістерді қолдану арқылы металлургия және пайдалы қазбаларды байыту процесін қарқындатуға арналған жұмыстар жүргізілуде. «Алтын, уран және полиметалл кендерінің биогеотехнологиясы» ғылыми-зерттеу зертханасының жетекшісі. Қ.И. Сәтбаев атындағы медальмен, ҚР ҰТКҒ «Тау-Кен саласының Батыры» медалімен, Тау-кен металлургия кәсіпорындарының грамоталарымен, Астана тау-кен металлургия форумының және Дубаи форумының «Mining Forum» сертификаттарымен марапатталған.

Tuyebakova

Түйебахова Зоя Қайымқызы

Химия және биологиялық технология институтының директоры

PhD докторы, профессор. Д. И. Менделеев атындағы Мәскеу химия-технология институтын қызыл дипломмен бітірген. Бірнеше жыл қатарынан ҚБТУ-да Академиялық және халықаралық бағдарламалар жөніндегі проректор қызметін атқара жүріп, IMAREST (Ұлыбритания) тарапынан жүретін химиялық инженерлік бағдарламалардың халықаралық аккредитациясынан Қазақстан бойынша бірінші адам болып өтті, сондай-ақ ҚБТУ-дың Халықаралық экономика мектебін Лондон университеті (Ұлыбритания) жанындағы аффилирленген орталыққа танытты. «Қазақстандық теңіз академиясы» жобасының – бүгінгі күнде ҚБТУ ҚТА факультетінің координаторы болды. Шетелдерде ғылыми-педагогикалық қызметпен шұғылданып, мол тәжірибе жинақтаған. Yeditepe University (Istanbul) профессоры. «Химиялық және биохимиялық инженерия» мен «Foundation School» бағдарламаларының авторы. Төрт шетел тілінде еркін сөйлейді. «Қазақстан Республикасы тәуелсіздігінің 20 жылдығы» атты мерекелік медальмен және Алматы қаласы әкімінің Құрмет грамотасымен марапатталған.

 
Омарбеков Бекнур

Сыздықов Асқар Хамзаұлы

Қ. Тұрысов атындағы Геология және мұнай-газ ісі институтының директоры

PhD докторы, техника ғылымдарының кандидаты, профессор, инженер-мұнайшы, БҰҰ Халықаралық ақпараттандыру академиясының академигі. «Мұнай және газ» журналының редколлегия мүшесі. 40-тан астам ғылыми еңбектер мен жаңалықтардың авторы. Алмазды бұрғылау қаптамасына арналған ғылыми еңбегі үшін ғалым сонау КСРО заманында авторлық куәлік алып, АҚШ, Швеция, Канада, Жапония, ГДР мен ГФР елдерінің патенттеріне ие болған. Оның бұл жаңалығы Кабардин-Балкар алмазды құрал-сайман зауытында біртіндеп өндіріске енгізілген болатын. А.Сыздықов «ҚазМұнайГаз» ұлттық компаниясының ғылыми және өндірістік құрылымдарында әртүрлі басшылық қызметтерді атқарды («ҚазТрансГаз» АҚ, «АмангелдіГаз» ЖШС, «ҚМГ Қарашығанақ» ЖШС, «Каспиймұнайгаз» ЖШС). «ҚР Жер қойнауының құрметті барлаушысы» және «ҚР Мұнай-газ саласының құрметті қызметкері» атақтарының иегері.

Seilova

Сейлова Нұргүл Абадуллаевна

Ақпараттық және телекоммуникациялық технологиялар институтының директоры

Ақпараттық және телекоммуникациялық технологиялар институтының директоры, техника ғылымдарының кандидаты, 2014 жылдан бастап «Киберқауіпсіздік, ақпараттық өңдеу және сақтау» кафедрасының меңгерушісі. Сәтбаев университетінің түлегі, оқытушылық қызметі 17 жыл. Белгілі ғалым, «Санкцияландырылмаған қолжетімділіктен сақтау құралының өнеркәсіптік үлгісін жасау» ғылыми жобасының жетекшісі. Жоғары аттестациялық комитет ұсынған және шетелдік журналдарда (РИНЦ, Scopus) жарық көрген 40-тан астам ғылыми жарияланымдардың авторы, авторлық куәліктер мен патенті бар. «Ақпараттық қауіпсіздік жүйелері» мамандығы бойынша типтік және білім беру бағдарламаларын жасаушылардың бірі. Алғыс хаттармен, ҚР Тәуелсіздігінің 20 жылдығына орай және университеттің дамуына қосқан үлесі үшін Құрмет грамотасымен, «Айрықша еңбегі үшін» медалімен марапатталған.

 
Kaltayev

Омарбеков Бекнұр Оразғалиұлы

Ә. Бүркітбаев атындағы Өнеркәсіптік инженерия институтының директоры

Инженер, PhD докторы, Сәтбаев университетінің түлегі. Лакуила университетінің (Италия) докторантурасын Ерасмус Мундус Таргет бағдарламасы арқылы «Өнеркәсіптік және ақпараттық инженерия мен экономика» мамандығы бойынша бітірген. МІТ және Мюнхен университетінде тағылымдамадан өткен. Қазақстан даму институтындағы «Индустрия 4.0» құзірет орталығын басқарып, мемлекеттік «Сандық Қазақстан» бағдарламасын жүзеге асыруға атсалысты және экономикаға сандық технология енгізу жұмыстарымен айналысты. Сондай-ақ америкалық «Granite Services Int Inc.» және «General electric (GE)» компанияларының жобаларына, оның ішінде Қарашығанақ кен орны бойынша жобаларға қатысты. National Instruments академиясы кәсіби дипломының иегері. ҚР Президенті әкімшілігінің «Ең үздік шетелдік докторант» атты атағына ие болған.

Kuspangaliyev

Құспанғалиев Болат Урайханұлы

Т. Бәсенов атындағы Сәулет және құрылыс институтының директоры

Архитектура докторы, профессор, Шығыс елдері архитектурасы Халықаралық академиясының академигі (МААСВ), Халықаралық архитектура академиясының академигі (МААМ), ҚР-ның Құрметті сәулетшісі, «Алтын Адам» Ұлттық сыйлығының лауреаты, Халықаралық архитектура академиясы Қазақстандық бөлімшесінің төрағасы, Қазақстан сәулетшілер одағының мүшесі. Бұрындары Алматы Сәулет және құрылыс институтының проректоры болды. Осы лауазымды құрметпен атқарған жылдары сәулетші-профессор Қазақстан жоғары мектебін таңдаулы ұйымдастырушыларының біріне айналды, оның ерен еңбегін ҚР Білім және ғылым министрлігі аса жоғары бағалап, талай рет алғыс хаттармен, грамота және медальдармен марапаттады. Профессордың басшылығымен және тікелей қатысуымен 30-дан астам құрылыс нысандары мен тұрғын үй кешендерінің жобалары жасалып, құрылыстары жүргізілді. Атап айтқанда, «Хайвилл Астана» («Highvill Astana») тұрғын үй кешені, «Алмалы Қала» («Apple Town») тұрғын үй кешені және т. б. Бұл құрылыс нысандары үшін ҚР Сәулетшілер одағының алтын медалімен марапатталды. Болат Құспанғалиев ғылыми, өндірістік және ұйымдастырушылық қызметі үшін бірнеше рет үкіметтік, ведомстволық және қоғамдық марапаттарға ие болды: «Қазақстан Республикасы тәуелсіздігінің 10 жылдығы» мерекелік медалімен; «Қазақстан архитектурасына және жоғары мектебін дамытуға қосқан үлесі үшін» номинациясы бойынша Жыл адамы атанып, «Алтын Адам» Ұлттық сыйлығымен; «Қазақстан Республикасы тәуелсіздігінің 20 жылдығы» мерекелік медалімен; «Қазақстан Республикасы ғылымын дамытуға қосқан үлесі үшін» медалімен марапатталған. «Балама энергия көздері негізінде энергиялық тиімді технологияларды өндіру» жөніндегі ғылыми жобалардың жетекшісі.

Salikova

Алдашев Алишер Алмазович

Е. Түркебаев атындағы Жобаларды басқару институтының директоры

Экономика ғылымдарының докторы, КИМЭП түлегі. Регенсбург университетінің (Германия) докторантурасын бітірген. Регенсбург университетінде (Германия) Йоахим Мёллердің эмпирикалық экономика кафедрасында ғылыми қызметкер болып, сондай-ақ Мангейм қаласындағы (Германия) Европалық экономикалық зерттеулер орталығында еңбек етті. 2009 жылдан бастап Қазақ-Британ техникалық университетінің (ҚБТУ) Халықаралық экономика мектебінде алдымен ассистент-профессор, одан кейін профессор болды. 2016–2018 жылдарда ҚБТУ Халықаралық экономика мектебінің деканы қызметін атқарды. 2018 жылдан бастап Сәтбаев университетінің профессоры. 2019 жылдың маусым айынан бастап Жобаларды басқару институтының директоры қызметін атқарады.

Kainarbayev

Қайнарбаев Берік Бекбосынович

Әскери іс институтының басшысы

ҚР Қарулы Күштерінің запастағы полковнигі. Р.Я. Малиновский атындағы бронетанкалық әскерлері академиясының түлегі (Мәскеу). Офицер шенінде Қызыл Тулы Қиыр Шығыс әскери округінде, Сарыөзекте, Талдықорған мен Алматы қалаларында әскери қызметте болды. 2005–2014 жылдар аралығында ҚР Қарулы Күштерінің Ұлттық қорғаныс университетінде оқытушылық қызмет атқарды. КСРО-ның, РФ, ҚР ҚК-нің әртүрлі медальдарымен марапатталған.

Sarenova

Саренова Айгүл Сапарбекқызы

А. Машани атындағы Базалық білім беру институтының директоры

Қостанай мемлекеттік университеті шетел тілдері факультетінің түлегі, педагогика ғылымдарының кандидаты. 15-тен астам ғылыми мақалалар мен әдістемелік өңдеулердің авторы, CELTA, CAM секілді халықаралық сертификаттардың, сондай-ақ Cambridge және HUFS университеттері сертификаттарының иегері. Еліміздің әртүрлі жоғары оқу орындарында қызмет атқарған, жоғары білім беру саласында 19 жылдан астам еңбек еткен, ағылшын тілі ассистентінен кафедра меңгерушісіне дейінгі қызметтерді атқарып, мол педагогикалық тәжірибе жинақтаған.

Жоғары

Қате кетті!

Жолдарды дұрыс толтыруға тырысыңыз.

Сіздің мәліметтеріңіз сәтті жіберілді!

Жақын арада біз Сізбен хабарласамыз.

Аудармасы жоқ


Басты парақшаға өту