ШЕТЕЛДІК ТАЛАПКЕРЛЕР ҮШІН

ҚЫМБАТТЫ ТАЛАПКЕР!

Бұл парақшадан сіз шетелдік талапкерлердің Сәтбаев Университетіне түсу тәртібі туралы барлық ақпаратты таба аласыз.

Айта кетейік, шетелдік талапкерлер университетке жыл бойы түсе алады, бірақ олар тек ақылы негізде ғана оқи алады. Сондықтан жеңілдіктер мен басқа да бағдарламаларды «Жеңілдіктер» бөлімінен қарай аласыздар.

Оқуға түсу үшін:

• Қажетті құжаттарды жинастыру керек
• Қазақстанға келіп, құжаттарды растау керек
• Оқу бағытын таңдау керек
• Тіркелу үшін Satbayev University-не құжаттарды тапсыру керек
• Әңгіме-сұхбаттан өту керек

SATBAYEV UNIVERSITY – ТАМАША ТАҢДАУ

Satbayev University – Қазақстандағы ең бірінші техникалық ЖОО ғана емес, сонымен қатар ол – халықаралық көпұлтты қауымдастық.

Мұнда Өзбекстан, Қырғызстан, Ресей, Беларусь, Украина, Моңғолия, Қытай, Ауғанстан, Тәжікстан, Түрікменстан, Иран, Түркия, Әзірбайжан, Ирак, Грузия, Пәкістан, Египет, Сирия және т.б. елдерден келген жүздеген шетелдік студенттер білім алуда.

Satbayev University-нің артықшылығы:

• Әлемдік QS World University рейтингінде 405-орын алады
• Мұнай және газ инженериясы саласындағы үздік білім беру бағдарламаларының
  пәндік рейтингінде тамаша академиялық беделінің арқасында 50–101-орын
• Бейімделудің ең үздік бағдарламалары
• Шетелдік студенттер үшін жатақхана қарастырылған
• Оқуды жыл бойы бастауға болады
• Тәжірибесі мол, студенттік өмір өте қызықты
• Іле Алатауының етегінде орналасқан динамикалық қозғалыстағы өте қызықты қала
• Климаты жұмсақ және жанға жайлы

 

Университет бойынша 3D-саяхат жасау

ҚҰЖАТТАР МЕН ТАЛАПТАР

Шетелдік талапкерлердің Satbayev University-не оқуға түсу процесі тек бетпе-бет ғана жүргізіледі. Ол үшін Сіз Қазақстанға келіп, құжаттың түпнұсқасы мен расталған көшірмелерін университетке тапсыруыңыз керек.

Барлық аудармалар, құжаттарды нострификация жасау және медициналық анықтама алу Қазақстан Республикасының аумағында жүргізіледі.

Сол үшін Сізге ертерек дайындалып, барлық кезеңде қажетті құжаттарды өзіңізбен бірге ала келуді ұсынамыз.

• Оқуға түсу үшін қандай құжаттар керек және қандай білімі болуы керек

  Satbayev University-не бакавриат бағдарламасына оқуға түсу үшін, талапкердің жалпы орта білімі болуы керек. Оны нақтылап анықтау үшін, талапкер мынадай құжаттар жиынын тапсырады:

  • Жеке куәлігі, оның аудармасы нотариалды түрде расталған болуы керек;
  • Білімі туралы құжат, нотариалды түрде расталған аударма қосымшасы;
  • Білімі туралы құжаттың мойындалғаны және нострификациясы туралы куәлік;
  • Денсаулығы туралы № 075-у үлгідегі анықтама + флюорография суреті;
  • ВИЧ-ке (СПИД) тест тапсырғаны туралы анықтама;
  • 3х4 көлеміндегі фотосурет – 6 дана.

  Бұл құжаттардың барлығы сканерден өткізіліп, электронды түрде болуы керек. Құжаттарды аудару және нотариалды түрде куәландыру Қазақстан Республикасының аумағында жүзеге асырылады.

• Талапкер өз елінде қандай құжаттарды дайындауы тиіс
  • Жеке куәлігі (ID, ішкі және шетелдік паспорты);
  • Білімі туралы құжаты және оның қосымшасы;
  • Басқа елде тұрақтауға ықтиярхат немесе жұмыс істеуге рұқсат алу/ егер сіз азаматтығыңыз жоқ елдің резиденті болмасаңыз да, мерзімінен бұрын бару.

  Білім туралы құжатқа және білім туралы құжатқа қосымшаға апостиль қою керек немесе оны заңдастыру қажет. Қазақстанға келгеннен кейін сіз осы құжаттардың нотариалды куәландырылған аудармаларын және/немесе көшірмелерін алуыңыз керек.

  Егер де құжаттарыңыз орыс немесе қазақ тілінде болса, онда олардың көшірмелері ғана қажет. Ал егер басқа тілде болса, онда орыс немесе қазақ тілдерінде нотариалды куәландырылған аудармасы қажет.

• Қосымша қандай ақпарат қажет

  Сіздің қай елде тұратыныңызға байланысты сіз C9 категориялы студенттік визаға өтініш беруіңіз керек, ол оқу үшін қажет. Студенттер өздері тұратын елдегі Қазақстан консулдығы/елшілігі арқылы виза алуға өтініш беруі керек. Виза құжаттарын өңдеуге кететін уақыт ұзақтығы бірқатар факторларға, соның ішінде сіз тұратын елге де байланысты болады. Қазақстанға университетке оқуға түсу үшін келерде, визаны ресімдеу тәртібі, қажетті құжаттар мен оны тапсыру мерзімі туралы толығырақ ақпарат алу үшін Қазақстан консулдығымен кеңесіңіз.

• Қазақстанға келу үшін виза қажет па?

  Қазақстанға қысқа мерзімге келу үшін, әдетте виза қажет емес, өйткені Қазақстанның көптеген елдермен визасыз режим туралы келісімі бар. Сіз Қазақстанда 14, 30 немесе 90 күн визасыз бола аласыз, оның ұзақтығы қай елден келгеніңізге байланысты. Осы уақыт аралығында сіз құжаттарды куәландырып, университетке тапсырып, әңгіме-сұхбаттан өтіп те үлгересіз.

  Қазақстан Республикасының шетелдік азаматтарға арналған визалық режимі

  Кейіннен сізге оқу үшін студенттік виза алу керек болады.

• Емтихан тапсыру немесе ҰБТ сертификатын алу керек пе?

  Жоқ, шетелдік азаматтар оқуға түсу үшін емтихан немесе ҰБТ тапсырмайды, тек сұхбат нәтижесі негізінде ғана оқуға қабылданады.

• Сәтбаев Университетіне тіркелу жөніндегі қадамдық толық рәсім
  • Оқу бағытын таңдау керек;
  • Қазақстанға келу керек;
  • Satbayev University-нің қабылдау комиссиясына жеке куәлік пен білім туралы құжатты, сондай-ақ олардың нотариалды түрде куәландырылған аудармалары мен көшірмелерін тапсыру керек. Оқуға түсу үшін берілетін өтінішке қол қою керек;
  • Таңдап алынған бағыт бойынша сұхбаттан өту үшін күні мен уақытын белгілеу керек;
  • Оқуға түсу үшін тапсырылған өтінімге мақұлдама алу керек;
  • Қол қойылған келісімшарт пен басқа да қажетті құжаттарды (олардың мойындалғаны және нострификациясы туралы куәлік, медициналық анықтамалар) қағаз түрінде қабылдау комиссиясына тапсыру керек;
  • Satbayev University-нің студенті болып қабылданғаны туралы бұйрықты алуы керек;
  • Оқу құнының 40%-ын төлеу керек;
  • Қазақстан Республикасының сіздің елдегі консулдығына барып, оқу визасын алуға арналған шақырылымды ресімдеу керек;
  • Өз еліне барып, шетелдік студентке берілетін С9 үлгісіндегі визаны алу керек;
  • Шетелдік студенттің паспортын Қазақстан Республикасының миграциялық полиция бөлімдерінде тіркеуге қою керек;
  • Оқуды бастау керек.
• Білім туралы құжаттардың мойындалғаны және нострификациясы туралы куәлікті қалай алуға болады

  Білімін мойындау туралы анықтаманы ХҚКО-нан («Азаматтарға арналған үкімет» мемлекеттік корпорациясы) алу қажет. Ол үшін келесі құжаттар ұсынылады:

  • Жеке куәлік;
  • Білім туралы құжаттарды мойындау туралы өтініш (сол жерде толтырылады);
  • Білім туралы құжаттың заңдастырылып, апостиль қойылған және нотариалды түрде куәландырылған көшірмесі мен аудармасының қосымшасы (егер де құжат толығымен шет тілінде жазылған болса), сонымен бірге мөрдің де аудармасы болуы керек.

  Толығырақ

• Денсаулығы туралы № 075-у үлгідегі анықтама мен флюорография суретін қалай алуға болады

  № 075-у үлгісіндегі анықтаманы алу үшін, университет аумағында орналасқан студенттік емханаға немесе Сәтбаев Университетінің корпоративтік емханасына бару керек. Ол жерде анықтамамен қатар флюорографиядан да өтіп, оның суретін де алуға болады.

  Өзімен бірге жеке куәлік болуы керек.

  Алматы қаласы студенттік емханасының мекенжайы:

  Алматы қаласы, Бұхар жырау бульвары, 14 (Марков көшесінің қиылысы).

  Call-центр +7 (778) 003-71-41, тіркеу бөлімі 8 (727) 312-39-51.

• ВИЧ-ке (СПИД) тест тапсырғаны туралы анықтаманы қалай алуға болады

  Алматы қаласындағы СПИД-тің алдын алу және оған қарсы күрес жөніндегі орталықта ВИЧ-ке тексерілу қажет. Сіз қан тапсыру арқылы сертификат аласыз.

  СПИД-тің алдын алу және оған қарсы күрес жөніндегі орталықтың мекенжайы:

  Алматы қаласы, Бәсенов көшесі, 2, корпус 4 (Жароков көшесінің қиылысы).

  Телефондары: 8 (727) 246-53-36, 8 (727) 246-53-52.

• Шақыру-хатты қалай алуға болады

  Мұндай хатты Алматы қаласы Полиция департаментінің Көші-қон қызметі басқармасының шетелдік студенттермен жұмыс жөніндегі үйлестірушісі алады. Бұл 14 күнге дейін созылуы мүмкін, сондықтан студенттер тиісті төлемді уақытында төлеп, барлық қажетті құжаттарды мүмкіндігінше тезірек тапсыруы керек:

  • Паспорттың бірінші бетінің көшірмесі мен аудармасы қазақ және орыс тілдерінде нотариалды түрде куәландырылған болуы керек;
  • Егер де сіз өзіңіз азаматы болып табылатын елден басқа елде тұрақты тұрсаңыз, тұрғылықты тұруға ықтиярхаттың немесе жұмыс істеуге рұқсат қағаздың/ұзақ мерзімді сапардың аудармасы қазақ және орыс тілдерінде нотариалды түрде куәландырылған болуы керек;
  • Satbayev University-не қабылданғаны туралы хат.

  Өзіңіз туралы барлық жеке мәліметтер дұрыс екеніне және төлқұжатыңыздағы мәліметтерге сәйкес келетініне көз жеткізіңіз. Егер құжаттардың кез келгенінде бірдеңе дұрыс көрсетілмесе, қабылдау комиссиясына дереу хабарласыңыз.

• Визаға өтінімді қалай беруге болады

  Визаға өтініш беру үшін, сіз өз еліңіздегі Қазақстан Республикасының елшілігінің/консулдығының ресми сайттарында көрсетілген нұсқауларды орындауыңыз керек.

  Ол үшін келесі құжаттар қажет:

  • Шақыру-хат;
  • Виза анкетасы;
  • Satbayev University-не қабылданғаны туралы хат;
  • Паспорттың (оригинал + екі көшірмесі) әрекет ету мерзімі виза алғаннан кейін алты айдан аспау керек және виза қою үшін оның кем дегенде екі бос парақшасы болуы тиіс;
  • Қазақстанға бронь жасалған билеттің көшірмесі;
  • Бір фотосурет (3,5 см х 4,5 см);
  • Қосымша құжаттар: банк көшірмелері, медициналық сақтандыру, Алматыда тұратынын растау (қонақ үй броньдау, жатақхана және т.б.);
  • Виза төлемдерін төлеу (әр елге байланысты).

  Қазақстанға келгенде осы құжаттардың барлығы өзімен бірге болуы керек, өйткені шекарадан өткен кезде оның бәрін көрсету керек болады.

  Ресейден, Қырғызстаннан, Өзбекстаннан және Тәжікстаннан келген шетелдік студенттерге визаның орнына бір оқу жылы мерзіміне тұрғылықты жері бойынша уақытша тіркеу беріледі. Уақытша тіркеуге өтініш беру үшін шетелдік студенттермен жұмыс жөніндегі бөлімге паспорттың түпнұсқасын көрсету керек.

• Оқуды қашан бастауға болады

  Шетелдік студент студенттік визаны алып, Алматыға келгеннен кейін, Қазақстан Республикасының Көші-қон полициясына тіркеліп болған соң, оқуын бастай алады. Сіз Қазақстан Республикасының шекарасын кесіп өткен сәттен бастап күнтізбелік үш күн ішінде көші-қон қызметіне келгеніңіз туралы хабарлауыңыз қажет.

ОҚУ БАҒЫТЫН ТАҢДАУ

Satbayev University-дегі оқу процесі арнайы білім беру бағдарламалары бойынша жүргізіледі. Сіз соның бірін таңдай аласыз.

ТӨЛЕМ ЖӘНЕ ЖЕҢІЛДІКТЕР

Satbayev University-де оқу құны бір жылдық оқуға есептеліпген (бакалавриат бағдарламасы үшін 36 кредит). Оқу құны — 2630 АҚШ долларынан басталады.

Оқу құнын қабылдау комиссиясынан қосымша тексеріп алу керек, өйткені баға білім беру бағдарламасына байланысты өзгеруі мүмкін.

• Шетелдік талапкерлер үшін жеңілдіктер жүйесі

  Satbayev University туралы достарыңызға ұсынып, оқу ақысына жеңілдіктер алыңыз! Егер де сіз мектепте бірге оқыған досыңызды ертіп келсеңіз, онда сіз де және сіздің досыңыз да жеңілдікке ие боласыздар. Жеңілдік көлемі сіздің қанша адам ертіп әкелгеніңізге байланысты есептеледі.

  Сіздің ұсынысыңыз бойынша қанша адам келді	Оқу ақысына жеңілдік көлемі	Жатақханада тұруға төленетін төлемге жеңілдік көлемі
  1 – 3	5%	30%
  4 – 6	7%
  7 – 10	10%
  11 – 15	15%
  16 – 20	20%
  21 – 25	25%
  26 – 30	30%
  31-ден көп болса	35%

  Жеңілдік оқудың бірінші жылына беріледі және егер студент жақсы оқитын болса (семестрдегі орташа GPA 3,0 баллдан төмен емес), келесі оқу жылына ұзартылады

• Болонь процесі орталығының шәкіртақылық бағдарламасы және ҚР ҒжЖБМ академиялық ұтқырлық бағдарламасы

  Қазақстан Республикасының Ғылым және жоғары білім министрлігі шетелдік студенттерге, оның ішінде Қазақстан Республикасының азаматы болып табылмайтын ұлты қазақ студенттерге де білім грантын береді.

  Бағдарлама студенттерді тегін оқумен және студенттің оқу үлгеріміне қарай ай сайынғы шәкіртақымен қамтамасыз етеді.

  Құжаттарды онлайн тіркеу 2024 жылғы 30 маусымға дейін жалғасады.

  Толығырақ ақпарат және құжат қабылдау:

SATBAYEV UNIVERSITY-ДЕГІ СТУДЕНТТІК ӨМІР

Сәтбаев Университетіндегі студенттік өмір шетелдік студенттер үшін жаңа таныстарға, мәдени тәжірибелерге және өмір бойғы естеліктерге толы, қызығы мен шыжығы мол қуанышты жылдар болып қалары сөзсіз! Келіңіздер, университетіміздің студенттер қауымдастығына қосылыңыздар!

АНЫҚТАМА ҮШІН БАЙЛАНЫС ТЕЛЕФОНДАРЫ

Құжаттарды рәсімдеу үшін:
Айгүл Куатова

+7 (727) 320 41 52

a.kuatova@satbayev.university

ҚАБЫЛДАУ КОМИССИЯСЫ

Қазақстан Республикасы,
Алматы қаласы, Сәтбаев көшесі, 22,
Бас оқу корпусы (ГУК), 2 қабат, 212 каб.
Кіру Байтұрсынов көшесі жағынан.

+7 (700) 219 47 29

сағ. 9.00-ден 18.00-ге дейін

+7 (727) 292 73 01

+7 (727) 292 77 79

+7 (727) 292 67 03

+7 (727) 292 57 34

kb@satbayev.university

Жұмыс кестесі:
дс-жм: 9.00 – 18.00
сб: 9.00 – 14.00
жс – демалыс күні.