Сәтбаев Университетінің эндаумент қоры

Сәтбаев Университетін
қолдау

Сәтбаев Университеті – Қазақстанның тұтас өмірін өзгертетін жаңалықтардың дүниеге келетін жері. Жоғары оқу орындарының дамуын және олардың жақсы өзгерістерге белсенді араласуын қамтамасыз ететін маңызды ұйым – бұл эндаументтік (қайырымдылық) қор немесе «мақсатты» қор.
Әлемнің жетекші университеттері өздерінің эндаумент қорының жұмысына үлкен көңіл бөледі, өйткені бұл қор ғылыми-зерттеу жұмыстарын жүргізуге, дарынды студенттерді оқытуға, жатақханалар салуға және университеттің басқа да жобаларын қаржыландыруға мүмкіндік береді. Бұл қорға аз ғана қайырымдылық жасау – нақты жобаларға инвестиция салу болып табылады, ал тұрақты түрде қолдау көрсету Сәтбаев Университетінің институционалдық тұрақтылығына, сондай-ақ Қазақстанда инновацияның дамуына әсер етеді.

Сәтбаев Университетін не үшін қолдау керек?

Университеттің түлектері мен достары өздері оқыған оқу орнына көмектесіп, үлкен өмірге бастау алғандары үшін, білім беріп, дағдыларды үйреткені үшін университетке алғыс білдіріп тұрады. Қызықты зерттеулерге демеушілік көрсетуге немесе болашақ ұрпаққа мұра қалдыру жөнінде шешім қабылдағандар да аз емес. Ғылым мен білімнің адам игілігіне жұмыс істеуі үшін, Сәтбаев Университетінің ғалымдары мен студенттері күн сайын жаңа идеялар жасап, техниканы жетілдіріріп отырады. Сіздердің қолдауларыңыз – біздің тығыз байланысымыздың және өзара тиімді ынтымақтастық қарым-қатынастың кепілі болып табылады.

Университеттің болашағы үшін салымдар

Эндаумент қорын толықтыру – университетке көптеген мүмкіндіктер беретін негізгі тірегі болып саналады.

Сәтбаев Университетінің кампусын жаңарту

Университет кампусын жөндеуге бағытталған мақсатты қайырымдылық шаралары Сәтбаев Университетінде білім алу үшін жайлы орта қалыптастыруға және ғылыми зерттеулердің жемісті болуына қажетті инфрақұрылым жасауға мүмкіндік береді.

Инновациялық жобаларды қаржыландыру

Егер сіз нақты зерттеулерге қызығушылық танытсаңыз, инновацияның сіз таңдаған бағыт бойынша дамуына ықпал ете аласыз.

Дарынды студенттерге көмек

Мақсатты грант бөліңіз де, сіздің компанияңызға қажетті жоғары білікті мамандарды даярлауды университетке тапсырыңыз.

Стартаптар мен жас ғалымдардың жобаларын қаржыландыру

Кәсіпкерлердің жаңа ұрпағына назар салып, оларға қанатты кеңірек жаюға көмектесіңіз.

Қоршаған орта және тұрақты даму

Сіздің қолдауыңыз Сәтбаев Университетіне ең өзекті жаһандық мәселелерді анықтауға және оларды шешу жолдарын табуға көмектеседі.

Меценаттар мойындайды

Сәтбаев Университеті Меценаттар қауымдастығының әрбір мүшесінің қосқан үлесін жоғары бағалайды және осы жобаға қатысқандары мен жомарттықтары үшін оларға алғыс білдіреді.

Сәтбаев Университеті эндаумент қорының құрылтайшылары

“Мұнда көшбасшылар дүниеге келеді. Біз ғылым мен білімнің кемел келешегін бірге жасап, Сәтбаев Университетінің ұлылығын ұлықтауға жол ашамыз.”

Жексенбек Әділов,

Сәтбаев Университетінің экс-ректоры

“Қазіргі кезде білім және ғылым саласына меценаттардың қолдау көрсете бастағаны, бұл — жалпықоғамдық дамудың көрсеткіші деп есептеймін. Ғылым, білім, инновация саласында бірлесе отырып, үлкен жеңістерге, нәтижелерге қол жеткіземіз деп сеніммен айта аламын.”

Асқар Жұмағалиев,

Қазақстан Республикасының Нидерланды Корольдігіндегі Төтенше және Өкілетті Елшісі, Қазақстан Республикасының Химиялық қаруға тыйым салу жөніндегі ұйым жанындағы Тұрақты өкілі

“Адамның адамшылығы істі қалай бітіргендігінен емес, оны қалай бастағандығынан білінеді”

Дулат Калитов,

«Геотерм» өндірістік компаниясының жетекшісі

“Құрметті Политех түлектері! Біздің университетті еліміздің ең басты технологиялық орталығына айналдырайық!”

Досым Сүлеев,

Сәтбаев Университеті Ректорлар кеңесінің төрағасы

“Мен 40 жыл қызмет еттім, сол жетістігімді өзім оқыған университетпен байланыстырамын. Университетпен байланысты үзбеңдер, оқытушылармен кездесіп, қолдау көрсетіп тұрыңдар - сонда сәттілік сіздерге серік болады!”

Әділ Шаяхметов,

Есірткі құралдарының, психотроптық заттардың және олардың прекурсорларының заңсыз айналымына қарсы күрес жөніндегі Орталық Азия өңірлік ақпараттық үйлестіру орталығы директорының бұрынғы орынбасары