Талапкер
Студент
Түлек
Қызметкер
Курстар
Бизнес серіктес
Геодезия және картография
Солға қарай айналдырыңыз
| Білім беру бағдарламаларының тобы | ҰБТ пәндері |
| В074 Қала құрылысы, құрылыс жұмыстары және азаматтық құрылыс | Математика - Физика |
-
Мемлекеттік гранттар конкурсына қатысу үшін өтінішті қалай толтыру керек?
1. Өтініш бермей тұрып, Сәтбаев университетінің өзіңізге ұнаған білім беру бағдарламасының біреуін таңдап алыңыз; әрине, ол бағдарлама сіз ҰБТ кезінде тапсырған бейінді пәндерге сәйкес келуі керек.
2. Білім беру бағдарламалары тобынан өзіңіз таңдаған бағдарламаның код номерін жазып алыңыз (кестедегі «Білім беру бағдарламаларының тобы» деген бағанда).
3. Грант алу үшін толтырылған өтінішке осы топтың код номері мен Сәтбаев университетінің код номерін жазыңыз (Қ.И.Сәтбаев атындағы Қазақ ұлттық техникалық зерттеу университеті): 029.
Геодезия, картография саласына қажетті мамандарды даярлауға бағытталған заманауи білім беру бағдарламасы, білім алушылар геодезиялық, топографиялық, астрономиялық-геодезиялық, фотограмметриялық және картографиялық жұмыстар саласында озық жабдықтар мен цифрлық геокеңістіктік технологияларды пайдалана отырып маманданады.
Оқу процесі кең ауқымды пәндерді қамтиды: геодезия мен картографияның теориялық негіздері, өлшеу әдістері, кеңістіктік мәліметтерді өңдеу, техникалық құжаттаманы дайындау және ғылыми-зерттеу нәтижелерін рәсімдеу. Осы саладағы кәсіби қызметті реттейтін нормативтік-құқықтық базаны зерделеуге баса назар аударылады.
Бағдарлама бойынша оқу аясында студенттер заманауи геоақпараттық жүйелермен жұмыс істеу дағдыларын меңгеріп шығады, кеңістік объектілерін талдайды және модельдейді, аумақтарға мониторинг жүргізу үшін спутниктік және аэрофотосуреттерді пайдаланады. Пәнаралық өзара әрекеттесу жағдайында білімді практика жүзінде қолдану, сыни тұрғыдан ойлау және топтық жұмыс істеу бойынша негізгі құзыреттіліктер қалыптасады.
Бағдарлама мамандандырылған ұйымдарда кәсіби тағылымдамадан өтуді, сонымен қатар Қытай, АҚШ және Ресей университеттерімен халықаралық академиялық алмасуларға қатысу мүмкіндіктерін қамтиды, бұл студенттердің кәсіби және академиялық тұрғыда өсу көкжиегін кеңейтеді.
Бағдарлама түлектері инженерлік-геодезиялық, картографиялық және кадастрлық жұмыстарды орындайтын мемлекеттік органдар мен коммерциялық құрылымдарда жоғары сұранысқа ие болады, олар аумақтарды жобалауға және дамытуға қатысады, сондай-ақ аумақты жоспарлау саласында кеңес беру қызметін жүзеге асырады. Сонымен қатар картограф, геодезиялық инженер, геоақпараттық жүйелер мамандары, аумақтарды дамыту саласында жоба менеджерлері болып жұмыс істейді.