Жаңартылатын энергетикадағы инновациялық технологиялар мен жабдықтар

Жаңартылатын энергия көздері, электр энергетикасы саласындағы инновациялық технологиялар мен жаңартылатын энергия көздерін пайдалану саласына қажетті мамандарды даярлаудың инновациялық бағдарламасы.

Магистранттар жаңартылатын энергия көздерін зерттеуді, перспективалық талдауды және кешенді түрде пайдалануды, энергия жинау технологияларын, орталықтандырылмаған энергия жүйелерін, электр жабдықтарының, автономды энергия көздерінің және жаңартылатын энергия объектілерінің оқшаулану жағдайын бағалаудың заманауи әдістерін оқиды.

Студенттер жаңартылатын энергия көздерін пайдаланатын электр жабдықтарының диагностикасы мен профилактикалық сынақтарын жүргізуді, Power Factoring ортасында энергетикалық жүйелерді модельдеуді, энергия жүйелерін цифрландыру үшін қолданылатын заманауи қолданбалы бағдарламалар бойынша жұмыс істеуді, электр және жылу энергиясын сақтауға арналған құрылғыларды жобалауды үйреніп шығады.

Студенттер «KEGOC», «АЖК», «АлЭС», «Бурное Солар», «Қордай СЭС», «Green Energy», «Қазатомөнеркәсіп», «Қазцинк» ЖШС, «Қарашығанақ Петролеум Оперейтинг», «Қазминералс», «Қазақмыс» және т.б. секілді ірі кәсіпорындарда өндірістік тәжірибеден өтеді.

Жаңартылатын энергия көздері – энергетиканың перспективалы бағыттарының бірі. Жасыл энергетикаға қатысты таза энергетикалық технологияларды интеграциялау, қоршаған ортаға тигізетін кері әсерді азайту – әлемдік энергетика саласын дамытудың негізгі бағыттары болып табылады. Заманауи өнеркәсіп орындарында осы саланың мамандары жоғары сұранысқа ие болып отыр.

Түлектер электр станциялары мен қосалқы станцияларда, жаңартылатын энергия көздерінен электр энергиясын өндіретін энергия тасымалдаушы ұйымдарда, басқа салалардағы өнеркәсіп және өндіріс орындарында, сондай-ақ ғылыми-зерттеу институттары мен жоғары оқу орындарында инженер болып жұмыс істейді.