Жобаларды басқару
  • Мемлекеттік гранттар конкурсына қатысу үшін өтінішті қалай толтыру керек?

    1. Өтініш бермей тұрып, Сәтбаев университетінің өзіңізге ұнаған білім беру бағдарламасының біреуін таңдап алыңыз; әрине, ол бағдарлама сіз ҰБТ кезінде тапсырған бейінді пәндерге сәйкес келуі керек.

    2. Білім беру бағдарламалары тобынан өзіңіз таңдаған бағдарламаның код номерін жазып алыңыз (кестедегі «Білім беру бағдарламаларының тобы» деген бағанда).

    3. Грант алу үшін толтырылған өтінішке осы топтың код номері мен Сәтбаев университетінің код номерін жазыңыз (Қ.И.Сәтбаев атындағы Қазақ ұлттық техникалық зерттеу университеті): 029.

    4. «Оқу траекториясы» деген бағандағы код номерін қолдану қажет емес. Ол өткен жылғы мамандықтардың код номерлерін (2019 жылға дейін) білім беру бағдарламаларының жаңа код номерімен («Білім беру бағдарламаларының тобы» деген баған) салыстыру үшін және сізге ыңғайлы болу үшін келтірілген.

    Толығырақ

Ғылыми, сараптамалық-зерттеу, құрылыстағы ірі кешенді жобаларды басқаруда, жобалау-бағдарлы өндірісте, жоғары технологиялық өндірістерде оқытушылық қызметке бағдарланған ғылыми кадрларды даярлайтын инновациялық білім беру бағдарламасы. Түлекке PhD докторы академиялық дәрежесі беріледі.

Бағдарлама ірі ауқымды тапсырмаларды басқаруға шақырылған өршіл адамдарға арналған. Түлектер мемлекеттік және жеке секторларда, қоғамдық және ғылыми ұйымдарда, консалтингте жұмыс істейді. БАҚ, саяси және әлеуметтік жобаларда шығармашылық жобаларды басқару, оқыту, зерттеу үшін қажетті дағдыларды меңгереді.

Сіз жобаларды басқару және жобалар қоржынын қалыптастыру, бизнес-үдерістерді тереңдетіп талдау, ғылыми және білім беру қызметі, тәуелсіз зерттеу жұмысы сияқты дағдыларды меңгересіз. Зияткерлік кәсіпкерлікке, нақты экономикаға арналған қолданбалы жобаларды дамытуға және ескерілмеген жобаларды коммерцияландыруға көп көңіл бөлінеді.

Сәтбаев университеті – әлемдегі жетекші жобаларды басқару институтының (R.E.P. PMI, Пенсильвания штаты, АҚШ) аккредиттелген білім беру провайдері болып табылады. Жобаларды басқарудың барлық ЖОБ-сы халықаралық PMI стандарттарына сәйкес келеді, сондықтан курстар аяқталғаннан кейін жоба менеджеріне кәсіби мансабын одан әрі сәтті жалғастыру үшін PDU (Professional Development Units) және Contact Hours тағайындалған ресми куәлікті алу мүмкіндігі бар.

Докторанттар шетелдік кеңесшілердің жетекшілігімен ғылыми жобаларға белсене қатысады. Докторантурада оқу жоспары жетекші шетелдік университеттерде міндетті тағылымдамадан өтуді қамтиды. Диссертацияны дайындау және қорғау отандық және шетелдік екі ғылыми жетекшілердің басшылығымен жүргізіледі.

Түлектер экономиканың түрлі секторларында ғылыми-зерттеу, жобалық және білім беру қызметін жүзеге асыратын ғылыми-зерттеу орталықтары, университеттер, ұлттық және жеке компанияларда, тағы басқа ұйымдарда оқытушылар, зерттеушілер ретінде жұмыс істейді.