2025 жылға арналған студенттерді сыртқы академиялық ұтқырлық бағдарламаларына қатысу конкурсына тіркеу басталды

Құрметті Satbayev University 1, 2 және 3 курс студенттері!

Сіздерге 2025-2026 оқу жылының күзгі семестріне арналған академиялық ұтқырлық бағдарламасына құжаттарды қабылдау басталғанын хабарлаймыз. Бұл сіздің академиялық және мәдени көкжиегіңізді кеңейтуге, сондай-ақ халықаралық байланыстарды нығайтуға тамаша мүмкіндік.

Академиялық мобильділік бағдарламалары:

• Қазақстан Республикасының Ғылым және Жоғары Білім Министрлігінің академиялық ұтқырлық бағдарламасы
• Satbayev University қаражатынан қаржыландырылатын бағдарлама
• Студенттің жеке қаражаты есебінен бағдарлама
• GKS бағдарламасы
• Erasmus+ бағдарламасы

Академиялық жыл: 2025-2026 жж.
Семестр: күзгі
Қатысуға болады: бакалавриаттың 1, 2 және 3 курс студенттері барлық мамандықтар бойынша
Құжаттарды тапсырудың соңғы мерзімі: 31 наурыз 2025 жыл.

Халықаралық академиялық бағдарламаға қатысып, өз көкжиегіңізді кеңейту мүмкіндігін жіберіп алмаңыз!

Барлық сұрақтарыңыз бойынша Халықаралық  ынтымақтастық кеңсесіне 302 НК келіп сұрасаңыз болады. Қосымша ақпарат және Global SU платформасы арқылы құжаттарды онлайн беру.