Ақсақалдар алқасының кезекті жиыны өтті

Үстіміздегі жылы 25 ақпан күні Сәтбаев Университеті «Ақсақалдар алқасының» кезекті отырысы өтті. Оған университеттің ардагер ғалымдары, проректорлар мен институт директорлары қатысты.

Университеттің Корпоративтік даму туралы проректоры-Басқарма мүшесі Ержан Көлдеев «Қ.И.Сәтбаев атындағы ҚазҰТЗУ-дың 2022 жылғы қызмет бағыттары бойынша даму жоспарлары» атты баяндама жасады.

Отырыста қаралған екінші мәселе бойынша «Ақсақалдар алқасының» төрағасы Ұлықпан Есілханұлы Сыдықов сөз сөйлеп, университет ардагерлерінің Сәтбаев Университеті докторанттарымен, магистранттарымен және студенттерімен кездесу жөніндегі календарлық жоспарлары туралы айтып өтті.

Осы уақытқа дейін «Ақсақалдар алқасының» қатарында 49 мүше болса, енді олардың қатары тағы да 6 ардагермен толығып, барлығы 55 ардагер-ғалым болды.

Сәтбаев Университетінің ұжымы ақсақал-ардагерлерге мықты денсаулық пен аманшылық тілейді!