Алматы жастарына арналған жаңа онлайн-курстар іске қосылды

Алматы қаласының Жастар саясаты басқармасы мен Influencers компаниясы бірлесіп, jas.almaty.kz платформасында және Telegram-бот арқылы жаңа цифрлық білім беру жобасын іске қосты. Жоба жастардың жеке және кәсіби дамуына қажетті икемді дағдыларды (soft skills) қалыптастыруға бағытталған.

Курстар мына бағыттарды қамтиды:

• SMART-мақсаттар қою
• Тайм-менеджмент және жоспарлау
• Пайдалы әдеттерді қалыптастыру
• Назарды шоғырландыру және өзін-өзі ұйымдастыру

Курстар бейнематериалдардан, интерактивті тесттер мен практикалық тапсырмалардан тұрады. Оқыту тегін, және курс соңында электронды сертификат беріледі. Жобаның басты мақсаты — Алматы жастарына қолжетімді, сапалы әрі өзекті білім беру мүмкіндігін ұсыну. Бұл бастама студенттер мен оқытушыларға, сондай-ақ өзін-өзі дамытуға ұмтылатын барлық жастарға пайдалы болады.

Курстар jas.almaty.kz платформасында және Telegram-ботта қолжетімді: t.me/JasAlmatykzBot?start=SMM