Әскери іс институтында академиялық адалдық пен сыбайлас жемқорлыққа қарсы іс-қимыл мәселелері талқыланды

Сәтбаев Университетінің Әскери іс институтында институттың профессорлық-оқытушылар құрамы және қызметкерлердің қатысуымен «Адалдық және академиялық адалдық сағаты» тақырыбында кездесу өтті.

Сыбайлас жемқорлыққа қарсы іс-қимыл қызметінің басшысы А.Жұманов пен «Саналы ұрпақ» бөлімінің басшысы А.Саттарова қызметкерлерді Қ.И. Сәтбаев атындағы ҚазҰТЗУ-дың «Академиялық адалдық кодексінің» негізгі ережелеріне назар аударуға шақырды. Кездесу барысында сыбайлас жемқорлыққа қарсы күрес жолдары және әркім өз қызметінде этикалық, академиялық және құқықтық нормаларды сақтау, сондай-ақ педагогикалық қызметте студенттерді сыйламаушылық деген жағымсыз қылықты түп-тамырымен жойып, әдепті болу мәселелері туралы талқыланды.