Болат Құспанғалиев «Қазақстан Жоғары мектебінің еңбек сіңірген қайраткері» медалімен марапатталды

Т. Басенов атындағы Сәулет және құрылыс институтының директоры, сәулет докторы, профессор, Шығыс елдерінің халықаралық Сәулет академиясының (МААСВ) академигі, Халықаралық Сәулет академиясының (МААМ) академигі, Қазақстан Республикасының құрметті сәулетшісі, Болат Урайханұлы Құспанғалиев Қазақстан Жоғары Мектебінің Ұлттық Ғылым академиясының «Қазақстан жоғары мектебінің еңбек сіңірген қайраткері» медалімен марапатталды. Бұл медаль Қазақстанда жақында – 2024 жылы – енгізіліп, Болат Құспанғалиев оның төртінші иегері атанды.

Бұл беделді мойындау Болат Құспанғалиевтің еліміздің сәулет және құрылысы саласы үшін жоғары білікті креативті мамандарды даярлау жөніндегі мемлекеттік, өндірістік, ғылыми, әлеуметтік-мәдени және қоғамдық қызметке қосқан зор еңбегі мен елеулі үлесінің айғағы болып табылады.

Біз Болат Құспанғалиевті осы маңызды жетістігімен шын жүректен құттықтаймыз және жоғары мектептің дамуына қосқан тұрақты үлесі үшін алғыс айтамыз.

Сізге одан әрі табыс, жаңа жетістіктер және жарқын кәсіби жеңістер тілейміз!