21 қыркүйек 2018 6429

Depo Evolution Park Студенттік шығармашылық фестивалі өтеді

Ағымдағы жылы 22 қыркүйек күні кеңейтілген Студенттік ән, би және шығармашылық фестивалі өтеді. Аталмыш іс-шара қаланың қақ ортасында орналасқан Depo Evolution Park-те ашық аспан астында өтеді. Бұл өнер байқауына қалалық студенттік ұйымдар, шығармашылық топтар мен ұжымдар қатысады. Фестивальдің бастамашылары – Jaryq шығармашылық жастар тобы, ал оның мақсаты – қалалық дарынды балалар мен талантты жастарға қолдау көрсете отырып, студенттердің мәдени дәрежесін көтеру, әрі дамыту.

Depo Evolution Park – «Рухани жаңғыру» бағдарламасы мен талантты жастарға қолдау көрсетуші «Жол картасы» бағдарламасы аясында қаладағы бұрынғы трамвай депосының территориясында жаңадан ашылған қалалық лофт-орталық. Онда жастарға арналған қазіргі заманға сай көптеген мәдени орталықтар бар, атап айтқанда: коворкинг-орталық, волонтерлар қозғалысының орталығы, жас суретшілер орталығы, ауылдық жастармен жұмыс жасау орталығы, қалалық жастар жатақханасына қолдау көрсету орталығы, workout-center және басқа да ойын орындары бар.

Мекенжайы: Алматы қаласы, Байтұрсынов көшесі, 22/118.

Тэги: Рухани жаңғыру