«Идеяны монетизациялау» байқауының финалына шақырамыз

15 наурыз күні Satbayev University-де жоғары сынып оқушыларына арналған «Идеяны монетизациялау» байқауының ашық финалы өтеді.

Финалистерді және олардың әлемді өзгертетін жобаларын қолдауға келіңіздер:

Work4Teen – жасөспірімдерге жұмыс табуға көмектесетін қосымша.

EcoTrack – қайталама шикізатты жинау және пластикті қайта өңдеу бойынша экологиялық платформа.

BARYS – Қазақстандағы туризмге арналған цифрлық экожүйе.

AuroraAI – психологиялық көмекке арналған чат-бот.

MLT – мигранттарға жаңа елге бейімделуге көмектесетін қосымша.

GREENCI – аллергия белгілерін бақылауға және өмір сапасын жақсартуға арналған сервис.

Kindle – еріктілерге іздеу және үйлестіру жұмыстарын жеңілдететін платформа.

Schub – нақты жобаларға қатысушыларды іріктеуге арналған қызмет.

QUAKE&Save – төтенше жағдайларға дайындық және жедел әрекет етуге арналған қосымша.

5 жыл ішінде байқау жүздеген дарынды оқушыны біріктіріп, ондаған болашағы зор жобаларды қолдады. Үздік қатысушылар UCLA, Berkeley, ЖЭЖ, МИСиС және Қазақстанның жетекші жоғары оқу орындарының студенттері атанды.

Қазақстанның жоғары сынып оқушылары тек бағдарламалауды үйреніп қана қоймай, өз идеяларын нақты бизнес-жобаларға айналдыруда. Қатысушылар әлеуметтік және технологиялық мәселелерді шешіп, бизнес негіздерін меңгеріп, өз қосымшаларын жасап, оларды кәсіби қазылар алқасына ұсынады.

Сіздің қолдауыңыз бізге үздік қосымшаны анықтауға және лайықты әзірлеушілерді марапаттауға көмектеседі.

Байқау «1С: Бағдарламашылар клубы» бастамасымен, «1С Казахстан» және «1С-Сапа» қолдауымен өткізіледі. Ол елдің білім беру экожүйесінің бір бөлігіне айналып, Satbayev University, AlmaU, МУИТ, МИТУ сынды жетекші университеттермен серіктестік орнатты.

9 команда, 9 инновациялық жоба – болашаққа жасалған 1 қадам!

Іс-шара өтетін орны мен уақыты:
15 наурыз 2025 жыл, сағат 10:00–13:30, Satbayev University.

Онлайн-трансляция:
https://youtube.com/live/5tQcWWSoI3M?feature=share

Қазақстанның жас жаңашылдары үшін жылдың басты оқиғасында сіздерді күтеміз!