«Қарашығанақ Петролеум Оперейтинг» компаниясында өндірістік практикадан өтуге құжаттар қабылдау ашылды
«Қарашығанақ Петролеум Оперейтинг» компаниясында 3-4 курс студенттері үшін студенттік практика бағдарламасына құжаттар қабылдау ашылды. Құжаттар 2021 жылдың 22 қазанына дейін қабылданады.
Практикадан өту шарттары:
Практикаға оқудың барлық кезеңінде барлық бағалардың орташа балы «5»-тен «4» немесе «4»-тен «3» төмен емес 18 жастан асқан Қазақстан азаматтары шақырылады.
Өндірістік практиканың ұзақтығы 1 ай. Студент практикаға оқу жылында бір рет шақырылады.
- Практика төленбейді.
- Практика кезеңіне тұрғын үй берілмейді.
- Ақсайға дейінгі/Ақсайдан жол өтелмейді.
- Кен орнында практикадан өтетін студенттерге арналған тамақтану(түскі ас), ЖҚҚ.
- Практика кезеңінде жұмыс орнына/ жұмыс орнынан жеткізу КПО көлігімен жүзеге асырылады.
- Практикадан өту КПО-да одан әрі жұмысқа орналасуға кепілдік бермейді.
Компанияның, мердігерлік ұйымдардың қызметкерлері, сондай-ақ жергілікті халықтың арасында COVID-19 таралуын болдырмау үшін студенттік практикаға COVID-19 вакцинацияланған студенттер қаралуы мүмкін.
Практикаға шақырылған студенттерде өзімен бірге жеке куәлігі, (086/У) медициналық анықтамасы және вакцинация паспорты болуы керек.
Практикадан өту үшін қажетті құжаттар тізімі:
- Практикаға үміткерлердің жалпы тізімі.
- Студенттің өтініші (ағылшын/орыс тілдерінде толтырылады) 3*4 фотосуретімен.
- Студенттің жеке куәлігінің көшірмесі.
- Транскрипт / сынақ кітапшасының көшірмесі.
- Студенттің тәжірибе жоспары.
- Студенттің вакцинация паспорты.
«Қарашығанақ Петролеум Оперейтинг»-те практикаға құжаттарды қабылдау тек оқу орындары арқылы жүзеге асырылады және белгіленген нысан бойынша толтырылған құжаттардың толық және дұрыс рәсімделген жинақтары ғана қаралады. Сырттағы студенттерден, сондай-ақ жеке тұлғалардан құжаттар қабылданбайды. Барлық құжаттар А4 форматында болуы керек.
Барлық сұрақтар бойынша өзіңіздің институт дирекциясына хабарласыңыз
Практика бағдарламасы бойынша анықталған мамандықтардың тізімі
