Қасым Елемесов Сәтбаев университеті Металлургия және өнеркәсіптік инженерия институтының директоры болып тағайындалды
Техника ғылымдарының кандидаты, доцент Елемесов Қасым Көптілеуұлы бұйрық бойынша 2020 жылғы 1 маусымнан бастап Металлургия және өнеркәсіптік инженерия институтының директоры болып тағайындалды.
Елемесов Қасым Көптілеуұлы - технологиялық машиналар және жабдықтар мәселелерімен айналысып жүрген ғалым, педагогикалық қызметте жиырма жылдық тәжірибесі бар оқытушы. «Тау-кен ісінің үздігі» құрметті белгісімен және ІІІ дәрежелі «Кенші даңқы» төсбелгісімен марапатталған. Ол төрт оқу құралының, үш инновациялық патенттің, Thomson Reuter, Scopus мәліметтер базасына енетін импакт-факторы бар бес басылымның авторы. ҒЗЖ ғылыми тақырыбының жетекшісі және гранттық қаржыландыру бойынша бірқатар инновациялық жобалардың жетекші ғылыми зерттеушісі.
«Пайдалану және сервистік инженерия» бағдарламасының, сондай-ақ студенттерді кәсіби аккредитациялау тұжырымдамасының авторы. Бұл тұжырымдама Қазақстан Республикасының Тау-кен металлургиялық кәсіпорындарының салалық қауымдастығымен бірлесе отырып іске қосылған. Қасым Елемесов – Өнеркәсіптік консультативтік комитеттің ұйымдастырушысы және төрағасы. «Республикалық тау-кен өндіру және тау-кен металлургиялық кәсіпорындары қауымдастығы» Заңды тұлғалар бірлестігінде кәсіби стандарттар бойынша сарапшы.
