Қазақстан Республикасының Конституциясы күні құтты болсын!

Құрметті студенттер, қадірлі әріптестер!

Сіздерді еліміздің ең бір ерекше мерекесімен құттықтаймын! Осыдан 23 жыл бұрын жалпыхалықтық референдумда республикамыздың Негізгі заңы қабылданып, ол Қазақстан Тәуелсіздігінің мықты тұғырына, тұрақты түрде дамуының және халықаралық мәртебесі өсуінің кепілдігіне айналды.

Тәуелсіздігіміздің алғашқы күнінен бастап Конституция халықтың әл-ауқаты артуының, оның тұрақтылығының мықты факторы болып, Қазақстан халқы территориясы ортақ, тарихы да бір-біріне ұқсас біртұтас ел екенін ұғынуға көмектесті, әрі солай болып қала бермек.

Сіздерді осы тамаша мерекемен шын жүректен құттықтаймын! Елімізге бейбітшілік пен аманшылық, береке-бірлік тілеймін! Кәсіби ғылым саласында жаңа жетістіктерге жете беріңіздер!

Игі тілекпен, Сәтбаев Университетінің Ректоры

Ескендір Бейсембетов