Қазақстан Республикасының Тәуелсіздік күнімен Ректор құттықтауы!
![Қазақстан Республикасының Тәуелсіздік күнімен Ректор құттықтауы!](/file/2021/12/15/bb0887/_793-446.jpg)
Құрметті әріптестер! Қымбатты докторанттар, магистранттар, студенттер!
Сіздерді Қазақстан Республикасы Тәуелсіздігінің 30 жылдық мерекесімен шын жүректен құттықтаймын!
1991 жылы 16 желтоқсан күні халықаралық аренада жаңа жұлдыз жарқ етіп жанды – Қазақстан Республикасы құрылды. Біз еркіндік пен тәуелсіздік жолын таңдап, аз ғана уақыт аралығында мықты тәуелсіз мемлекет құрдық.
Тәуелсіздік Қазақстан халқының күш-қуатын арттырып, ата-бабаларымыз негізін салған әлеуетімізді жүзеге асыруға мүмкіндік берді. Халқымыздың ынтымақ-бірлігінің арқасында әлемдік аренадан лайықты орын ала білдік. Ал Сәтбаев Университеті еліміздің экономикалық өсуі мен әл-ауқатының дамуына өзінің инновациялық идеялары мен технологиялары арқылы үлесін қосуда.
Осы мереке күні сіздерге зор денсаулық, жаңа табыс және істеріңізге сәттілік тілеймін! Отбасымыз аман-есен болып, береке-бірлігіміз арта берсін!
Сәтбаев Университетінің Ректоры
Мейрам Бегентаев