ҚазҰТЗУ студенттері дипломмен оралды

26 сәуірде Қазақстан Республикасы Ұлттық қауіпсіздік комитетінің Шекаралық қызмет академиясында жоғары оқу орындары арасында «Курсанттардың ғылыми шығармашылығында ұлттық қауіпсіздікті қамтамасыз ету теориясы мен практикасының дамуы» атты тақырыпта ғылыми-практикалық конференция өтті.

Ақпараттық және телекоммуникациялық технологиялар институтының 3-курс студенттері Асият Сырлыбаева мен Керей Шапиев осы конференцияға Қ. И. Сәтбаев атындағы ҚазҰТЗУ атынан қатысып, өздерінің ғылыми баяндамаларын оқыды. Олардың жұмыстары жоғары бағаланып, «Ғылыми жаңалық үшін» және «Тәжірибелік маңыздылығы үшін» атты номинация бойынша арнайы дипломдармен марапатталды. Ғылыми жетекшілері – «Ақпараттық қауіпсіздік» кафедрасының профессоры Евгения Айтхожаева мен осы кафедраның сениор-лекторы Асхат Батырғалиев.