Халықаралық сертификаттау компаниясы Сәтбаев университетінің сапа менеджменті жүйесін марапаттады

Австралиялық Total Quality Certification Services International (TQCSI) сертификаттау компаниясы Сәтбаев университетінің сапа менеджменті жүйесінің жоғары стандарттарын мойындап, Қазақстан бойынша «Жыл клиенті» сыйлығымен марапаттады. Мәртебелі марапатты TQCSI Kazakhstan компаниясының бас директоры Гүлжан Тұрдалиеваның қолынан университеттің Ғылым және корпоративтік даму жөніндегі проректоры Ержан Көлдеев қабылдап, өз сөзінде университет ұжымына осы жетістігі үшін алғыс білдірді:

– Бұл марапат біздің жоғары жетістіктерге ұмтылуымыздың куәсі болып табылады», – деді ол. – Жетекші халықаралық сарапшылар біздің жұмысымызды мойындап, жоғары бағалағаны – біз үшін үлкен мақтаныш.

Total Quality Certification Services International – Австралиядағы жетекші сертификаттау компаниясы, ол дүние жүзі бойынша 40-тан астам елдерде жұмыс істейді, әрі әр елдегі өзі сертификаттаған ұйымдар арасында жыл сайын «Жыл клиенті» байқауларын өткізіп, компаниялардың процестерді басқарудағы жетістіктерін мойындап отырады. Бұл марапат – университеттің білім беру, зерттеу жұмыстары және білім беру үрдісін басқарудың сапасын арттыруға бағытталған көп жылдық жұмыстың нәтижесі болып табылады.

– Сәтбаев университетінде маған ұнайтыны – бүкіл менеджмент жүйесінің тиімді түрде жұмыс істеуі», – деді  TQCSI Kazakhstan директоры Гүлжан Тұрдалиева, – әрі оның адал қызметі. Басшылықтың үздік жұмысы университеттің бүкіл ұжымы мен студенттерін ынталандырады.

TQCSI «Жыл клиенті» байқауында ұйымдарды бағалау көптеген параметрлер бойынша жүзеге асырылады. Университетте қабылданған ISO 9001, 37001 жүйесінің тиімділігін жетілдіру университет қызметін бағалауда маңызды орын алады.

TQCSI компаниясының алдағы жоспарында Сәтбаев университетінде ISO 37001 сыбайлас жемқорлыққа қарсы менеджмент жүйесі бойынша әлемде бірінші рет университетті аккредитациялау.