«Металлургия және пайдалы қазбаларды байыту» кафедрасының студенттері президент жолдауын талқылауда

Сәтбаев университетінің студенттері мемлекет басшысы Қасым-Жомарт Тоқаевтың 2022 жылғы 1 қыркүйектегі Қазақстан халқына жолдауын талқылауды жалғастыруда. Кезекте «Металлургия және пайдалы қазбаларды байыту» мамандығы бойынша оқитын студенттер, эдвайзерлік сағат кезінде жолдауды талқылады.

Кездесу белсенді өтті, студенттер жолдауда көтерілген мәселелерді талқылап, сұрақтар қойды. Эдвайзерлер студенттерге жолдау бүкіл елдің өміріне және әр студенттің өміріне әсер ететінін түсіндірді. Елде білім беруге төмен пайыздық кредит беру енгізіледі, жастардың басқа да әлеуметтік және экономикалық проблемалары шешілетін болады.

Талқылау барысында қатысушылар Satbayev University еліміздің алғашқы ұлттық техникалық жоғары оқу орны ретінде жолдауда белгіленген міндеттерге белсенді қатысуы керек деген қорытындыға келді.