My Polytech журналының жаңа саны жарық көрді
![My Polytech журналының жаңа саны жарық көрді](/file/2017/11/03/01cdfd/_793-446.jpg)
Студенттер арасында танымал My Polytech журналының кезекті саны қазан айының соңында жарыққа шықты. Журналдың қазіргі заманғы талаптарға сай жаңартылып шыққан бұл санында оқырмандар үшін көптеген жаңалықтар бар: жаңа тақырыптар, жаңа пікір-көзқарастар және т. б.
Журналдың жаңа концепциясы – ол университет өмірін өз оқырмандарымен бірлесе отырып, толықтай айқындайтын интерактивті басылым.
Бұл құбылмалы дүниеде өзгермей, тұрақтап тұратын ештеңе жоқ. Өзгермейтін, дәлелдеуді қажет етпейтін тек бір ғана шындық бар: ол кез келген университеттің жүрегі – оның студенттері екені. Олар университеттің күнделікті өмірін толықтырады, оның әрі қарай дамуына септігін тигізеді. Мұның бәрі ең алдымен студенттердің өз күшімен ұйымдастырылған қауымдастықтар мен ғылыми-шығармашылық ұйымдардың арқасында жүзеге асады. Сондықтан да біз журналдың осы жаңартылған алғашқы санын студенттік ұйымдардың қызметіне арнадық. Сондай-ақ сіздер жаңа оқу жылының басынан бастап университет қабырғасында өткен небір жарқын да қызықты іс-шаралар туралы ақпаратты журналдан оқи аласыздар.
Айта кетейік, университет атауының жаңаша өзгеруіне байланысты My Polytech журналы да өз атауын жаңаша өзгерту үшін студенттер арасында байқау жариялады.