Талапкер
Студент
Түлек
Қызметкер
Курстар
Бизнес серіктес
Нақты өндіріс: кәсіпкер Шухрат Данбай студенттерге өз жобалары туралы әңгімелеп берді
Шухрат Данбай SU Talks-ке бірінші рет қатысып отырған жоқ – ол осы жобаның белсенді қатысушысы, спикер және көптеген лекциялардың қонағы болған. Осы сейсенбіде ол студенттерге павлодарлық кәсіпорындардың жұмысы туралы жан-жақты дәріс оқыды. Бұл жаңа жобалар – Павлодар қаласында жұмыс істейтін және инновациялық шешімдерді пайдалана отырып, 20 жылдық кепілдікпен жоғары жиілікті таза мұнай коксы мен модификацияланған битум шығаратын өндіріс орындары.
Шухрат компанияны «ҚазБитумСервис» және УПНК деп таныстырды, бұл кәсіпорындардың қалай жұмыс істейтіні мен олардың өнімдерінің аналогтарынан қаншалықты жақсы екендігі туралы егжей-тегжейлі айтып берді. Павлодарлық УПНК күйдірілген мұнай коксын өндіру бойынша ұлттық көшбасшы болып табылады. Тұтынушылар арасында Қазақстандағы алғашқы электролиз зауыты, әрі Ресей мен Қытайда да тұтынушылар бар. «ҚазБитумСервис» – еуропалық стандарттар бойынша шатыр және гидрооқшаулағыш материалдар шығарумен айналысып, қарқынды түрде дамып келе жатқан компания. Шухрат Данбай тыңдаушыларды қазақстандық өндірістің осы інжу-маржандарының жұмысымен таныстырып, «қырсық битумның» құпиясын ашты және өндірістің басқа да қыр-сыры туралы айтып берді.
Тақырыптың ерекшелігіне қарамастан, студенттер мен оқытушылар дәрісті қызығушылықпен тыңдады. Дәріс соңында Сәтбаев Университетінің ректоры Мейрам Бегентаев сөз сөйлеп, баяндаманы қысқаша қорытындылады және ойдағы арманымызға жету үшін бірлесе әрекет етіп, алға қарай нық қадам жасау керектігін баса айтты. Ал академиялық орта мен өндіріс арасындағы тығыз байланыс ойдағы арманның орындалуына көмектеседі.
