Наурызнама күндері аясында Сәтбаев Университеті Ұлттық спорт күні мерекесін атап өтуде

Сәтбаев Университетінде студенттік өзін-өзі басқару комитетінің ұйымдастыруымен студенттерге арналған Ұлттық спорт күні өтті. Осы айтулы мереке күні студенттер кампусқа жиналып, қазақтың дәстүрлі спорт әлеміне қанық болып, тоғыз құмалақ, қол күресі, қазақша күрес, арқан тарту, садақ ату және асық ату сияқты ойындарды тамашалады.

Наурызнама күндері Сәтбаев Университетінде әлі де жалғасуда. Студенттер еліміздің бай мәдени мұрасына тағзым ете отырып, ұлттық спорт түрлерімен танысуда және ұлттық киімдерін киіп жүр. Мерекелік іс-шаралар аясында университет ғимаратында қазақ халқының салт-дәстүрі мен тарихына арналған көрме өтуде.