Талапкер
Студент
Түлек
Қызметкер
Курстар
Бизнес серіктес
«Политех» студенттік театрымен таныс болыңыздар!
2023 жылғы ақпанның басында Сәтбаев Университетінің «Минералдар галереясында» «Polytech» студенттік театры» атты жаңа шығармашылық жобаның таныстырылым рәсімі ауқымды түрде өтті. Таныстыру рәсіміне университеттің басқарма мүшелері мен әкімшілік қызметкерлері, оқытушылар мен студенттер қатысты. Салтанатты кеш саксофонның сазды әуенімен басталды.
«Polytech» студенттік театры – Сәтбаев Университетінің техникалық бағыттағы зиялы қауымы мен өнерлі студенттері үшін жаңа көкжиектер ашатын қызықты шығармашылық жоба болып табылады. Жоба авторы мен жаңа театрдың ұжымы өздерінің алғашқы қойылымдарын – театрландырылған тұсаукесер рәсімін ұсынып, онда алдағы театр қойылымдарының философиясы мен болашақ бағдарламасы туралы әңгімеледі.
Қалыс қалмау үшін, жаңалықтарды оқып тұрыңыздар!
