«Полиция академиясындағы бір күн»

2019 жылғы 11 қазанда Қазақстан Республикасы Ішкі істер министрлігі М.Есболатов атындағы Алматы академиясының ұйымдастыруымен «Полиция академиясындағы бір күн» атты ғылыми-практикалық іс-шара өткізілді. Оған Сәтбаев университетінің студенттері белсене қатысты.

Іс-шараны өткізу барысында «Қылмыссыз әлем» тақырыбында қызу талқылау өткізілді, қорғанудың белсенді және енжар түрлерін қолданумен теориялық және практикалық сабақтар жүргізілді.

Іс-шараға қатысушылар бронежилеттерді қолдану, дәрігерге дейінгі алғашқы көмек көрсету, самбоның жауынгерлік тәсілдерімен танысу бойынша алғашқы практикалық дағдылар алды. Барлық қатысушылар атыс дайындығының қысқаша курсынан өтті, қару-жарақ бойынша арнайы бағдарламаны көріп, ішкі істер бөлімдерінің қарулануындағы қару-жарақтармен таныстырылды.

Запастағы полковник Арсен Темірханович Каржавовтың басшылығымен Қ.И.Сәтбаев атындағы Қазақ ұлттық техникалық зерттеу университеті студенттерінің командасы іс-шараға қатысқан 4 команданың арасынан жүлделі 2-орынды иеленді.