Профессор Валерий Кульчицкий мұнай-газ өндірудің сандық супервайзингі туралы дәріс оқыды
Сәтбаев университетінің конференц-залында И.М.Губкин атындағы университеттің профессоры, т.ғ.д., академик мұнайшылар мен газовиктердің И.М.Губкин атындағы ғылыми-техникалық қоғамының төрағасы, Халықаралық ғылыми және инженерлік қоғамдық бірлестіктер одағы кеңесінің мүшесі, РЖҒА-ның және А.М.Прохоров атындағы Инженерлік ғылымдар академиясының академигі Валерий Владимирович Кульчицкий «Бұрғылау және мұнай-газ өндірудің сандық супервайзингі» атты дәріс оқыды. Профессор В.В.Кульчицкий университет студенттері мен оқытушыларының көптеген сұрақтарына жауап беріп, «Бұрғылау супервайзингіне сандық қашықтықтан интерактивті-өндірістік оқыту әдістемесі мен тәжірибесі» атты шеберлік сағатын өткізді.
Профессор В.В.Кульчицкий өзін дәріс оқуға шақырғаны үшін алғыс білдіріп, Геология, мұнай және тау-кен ісі институтының директоры, профессор Асқар Хамзаұлы Сыздықовқа «Қашықтықтан интерактивтік-өндірістік оқыту» әдістемелік құралы мен ТМД елдерінің арасында мұнай-газ өндірісінің тәжірибесі бойынша алғашқы «Мұнай және газ ұңғымалары құрылысының супервайзингі» атты кітапты табыс етті. Бұл кітапты профессор сондай-ақ Сәтбаев университетінің үздік докторанттары мен магистранттарына да таныстырды. Аталмыш кітаптың алты данасы университет кітапханасына тапсырылды.
Сол күннің екінші жартысында ТМД елдері арасындағы жетекші супервайзингтік кәсіпорын «ҒҒТ ҰӨО» АҚ-ы мен Қ. Тұрысов атындағы Геология, мұнай және тау-кен ісі институтының ынтымақтастық қарым-қатынасы туралы келіссөздер жүргізілді. «ҚазМұнайГаз» ұлттық компаниясы үшін кадрлық резервтегі бұрғылау супервайзерлерін даярлау және ұңғыма ішіндегі жұмыстарды қашықтықтан интерактивті-өндірістік оқытудың бірлескен полигонының жұмыс істеуін қамтамасыз ету мақсатындағы жұмыстардың есебі туралы сөз болды.
