Ректор қасиетті Рамазан айының басталуымен құттықтайды

Құрметті әріптестер! Қымбатты докторанттар, магистранттар, студенттер!

Барлық діншіл қауымды қасиетті Рамазан айының басталуымен шын жүректен құттықтаймын!

Бұл қасиетті ай біз үшін нағыз сынақтан өту және рухымызды нығайту, тазалану және ынтымақтасу мерекесі болып саналады.  Биылғы жылы бұл қасиетті ай еліміз үшін қиын жағдайда өтіп жатыр, сондықтан да Ораза тұтып, игі істер жасауға қадам бастайтын әрбір адамның бойындағы имандылықты нығайту жолында өте құнды болып табылады.

Сіздер үшін жаңа рухани өрлеу, болашақ жетістіктер мен жеңістерге дайындалу кезеңі болып қала берсін! Біздің университет бұл сынақтардан абыроймен өтеді деп сенемін!

Сіздерге зор денсаулық, отбасына аманшылық пен береке-бірлік тілеймін!

Игі құрметпен,
Сәтбаев университетінің Ректоры
Искандер Бейсембетов