Республика күні мерекесі қарсаңында Сәтбаев университетінің студенттері Алматы қалалық музейіне барды

Осы іс-шара барысында қонақтарға Алматы қаласының тарихы мен Тәуелсіз Қазақстанның қалыптасу тарихы туралы айтылды.

Сәтбаев университетінде әртүрлі елдерден келген студенттер білім алуда. Бүгін олар еліміздің мәдени мұрасымен тереңірек танысып, қазақ халқының ұлттық дәстүрлерін және құндылықтарын сезінді.

Бұл іс-шара Республика күніне арналған мерекелік бағдарламаның бір бөлігі ретінде ұйымдастырылды. Мақсатымыз - шетелдік студенттерді Қазақстанның мәдениетімен, тарихымен және рухани құндылықтарымен таныстыру.

Музейге саяхат тек танымдық ғана емес, сонымен бірге шетелдік студенттерді университеттің қоғамдық өміріне баулу және ұлтаралық диалогты нығайтудың маңызды қадамы болмақ.

Осы іс-шараға қызығушылық танытып, белсенді түрде атсалысқан барлық студенттерге алғыс білдіреміз!