СӘТ САПАР, ТҮЛЕКТЕР-2017!
2 маусым күні Қ. И. Сәтбаев атындағы ҚазҰТЗУ-дың 2017 жылғы түлектеріне диплом тапсыру рәсімі салтанатты түрде өтті.
Бакалавр дәрежесін алып шыққан түлектерді осы салтанатымен құттықтаймыз! Бүгіннен бастап сіздердің өмірлеріңізде жаңа кезең басталады. Ендігі сіздердің міндеттеріңіз – талай жыл алған білімдеріңізді іске асырып, бәсекеге қабілетті маман иесі болу. Қ. И. Сәтбаев атындағы ҚазҰТЗУ қабырғасында алған сапалы білімдеріңіз ол үшін сіздерге тамаша кепілдік бола алады.
Қазақстан Республикасында биылғы жылдан бастап экономикалық дамудың жаңа сатысы басталғаны белгілі. Бұған ҚазҰТЗУ да өзінің зор үлесін қосып, мемлекеттің Үдемелі индустриалды-инновациялық даму бағдарламасына қажетті келешек жоғары білікті инженер мамандарын даярлайды.
Құрметті түлектер! Келешекте сіздердің жоғары дәрежелі маман иесі болуларыңызға тілектеспіз және өмірлеріңізге сәттілік тілейміз! «ҚазҰТЗУ түлегі» деген атаққа әрдайым лайық болыңыздар!
