Сәулет және құрылыс ғылыми-зерттеу зертханасы сынақ зертханасы Ұлттық аккредиттеу орталығының инспекциялық тексерісінен сәтті өтті

2025 жылғы 29 қыркүйектен 01 қазанға дейін «Сәулет және құрылыс ғылыми-зерттеу зертханасы» (СҚҒЗЗ) сынақ зертханасы Ұлттық аккредиттеу орталығының жоспарлы бастапқы инспекциялық тексерісінен сәтті өтіп, өз құзыретін қайта растады. Тексеру МЕМСТ ISO/IEC 17025-2019 «Сынақ және калибрлеу зертханаларының құзыреттілігіне қойылатын жалпы талаптар» талаптарына сәйкестігіне жүргізілді.

Бұл нәтиже зертхана ұжымы жылдар бойы көрсетіп келе жатқан кәсібиліктің, техникалық жарақтандырудың және жүйелік тәсілдің жоғары деңгейінің кезекті растауы болды.

2018 жылдың қыркүйегінде алғашқы аккредиттеуді алған сәттен бастап СҚҒЗЗ зертханасы МЕМСТ ISO/IEC 17025 белгіленген талаптарына сәйкестігін тұрақты түрде көрсетіп келеді, бұл № KZ T.02.2122 аккредиттеу аттестатымен расталады. 2019 және 2020 жылдары алғашқы инспекциялық тексерулер сәтті өтті. 2021 жылы зертхана МЕМСТ ISO/IEC 17025-2019 мемлекетаралық стандартына көшті, ал 2022 жылы жаңа талаптар бойынша кезекті инспекциялық тексеруден өтті. 2023 жылдың желтоқсанында СҚҒЗЗ 2028 жылға дейін қайта аккредиттеу процедурасынан сәтті өтті, бұл зертхананың дамуындағы маңызды кезең болды. 2025 жылы жүргізілген соңғы инспекциялық тексеру зертхананың қолданыстағы сапа стандарттарына сәйкестігін және оның кез келген қиындықтағы тапсырмаларды орындауға дайындығын растады.

СҚҒЗЗ Т.К. Басенов атындағы сәулет және құрылыс институтының Satbayev University құрылыс саласындағы негізгі ғылыми және техникалық бөлімшесі болып қала береді. Зертхана Қолданбалы және іргелі зерттеулерге белсенді қатысады, құрылыс материалдары мен конструкцияларына сынақтар жүргізеді, сондай-ақ инфрақұрылымдық жобаларға инновациялық шешімдерді енгізуге ықпал етеді.

СҚҒЗЗ зертханасының ұжымын лайықты танылуымен құттықтаймыз және жаңа ғылыми жетістіктер мен табысты жобалар тілейміз!