Шахмардан Есенов атындағы қор тұрмыс жағдайы аз қамтылған отбасынан шыққан талапкерлерге грант ұсынады

Академик Шахмардан Есенова атын. ғылыми білім беру қоры жоғары (бакалавриат) оқу орнының ақысын төлеу үшін мемлекеттік немесе өзге де грантқа ие бола алмаған, аз қамтылған отбасылардан шыққан талапкерлерге 10 грант байқауын жариялайды.

Жаратылыстану-ғылыми және техникалық ғылымдар, педагогикалық  (тек жаратылыстану пәндері бойынша) бағыттары бойынша мамандықтар алу үшін қазақстандық жоғары оқу орнында оқуды жоспарлап отырған мектептің/балалар үйінің/жасөспірімдер үйінің/колледждің түлегі бағдарлама қатысушысы бола алады. Өтінімдер ерекше қажеттіліктері бар жастардан да қабылданады.

«Órleý» (Өрлеу) бағдарламасының байқауына қатысу үшін 2023 жылғы 25 сәуір мен 14 шілде аралығында Қордың yessenovfoundation.org сайты арқылы онлайн өтінім беру қажет.

Өтінімдерді қабылдау 2023 жылғы 14 шілдеде Астана уақыты бойынша сағат 15:00-де (GMT + 6) аяқталады.

Өтінімге құжаттар топтамасы қоса берілуі керек.

Грант ізденушінің ата-анасы және (немесе) заңды өкілі үшін міндетті құжаттар:

1. жеке куәліктің сканерленген көшірмесі;
2. зейнетақы туралы анықтама: жасы, мүгедектігі бойынша (бар болса);
3. жәрдемақы туралы анықтама: Қазақстан Республикасының заңнамасына сәйкес асыраушысынан айрылу, жұмыссыздық, АӘК және өзге де негіздер бойынша (бар болса);
4. кәсiпкерлiк объектiсiнiң болуы немесе болмауы туралы анықтама;
5. грант ізденушінің заңды өкілінен және (немесе) ата-анасынан өтінім берілген күн  бойынша зейнетақы аударымдары туралы үзінді көшірме;
6. тұрғын үйдің, автокөліктің, қосалқы шаруашылықтың, т.б. болуы/болмауы туралы ақпарат.

Грантқа үміткер үшін міндетті құжаттар:

1. Жеке куәліктің сканерленген көшірмесі;
2. Келесілерден тұратын мотивациялық хат (750 сөзден аспайтын):
   1. өзіңіз және отбасыңыз, отбасында қанша адам тұратыны туралы ақпарат;
   2. қызығушылықтары мен әуестіктері туралы;
   3. жетістіктері туралы;
   4. оқу ақысын төлеуге қаржылай көмек көрсету қажеттілігінің себептері туралы ақпарат;
   5. білім алу үшін дәл осы мамандықты таңдау себебі;
   6. таяудағы 10 жылға арналған жоспарлар туралы.
3. Орта мектепті/колледжді бітіргені туралы аттестат/диплом («жақсы және өте жақсы» деген бағаларынан төмен ізденушілердің өтінімдері қаралмайды), ҰБТ тапсырғаны туралы сертификат (ЖОО-ға түсу үшін), ЖОО студенттері үшін транскрипт;
4. Мүгедектігі туралы анықтама (бар болса);
5. Балалар үйі немесе жасөспірімдер үйі тәрбиеленушісінің анықтамасы.

Қосымша құжаттар:

1. Академиялық жетістіктері үшін грамоталар мен дипломдар  – 2  данадан көп емес;
2. Басқа жетістіктері (спорттық, шығармашылық және т.б.) үшін грамоталар мен дипломдар – 2 данадан көп емес;
3. Барлық отбасы мүшелері немесе олардың көпшілігі бар соңғы үш жылдағы отбасылық фотосуреттер - 2  данадан көп емес.

Қажет болған жағдайда, қор қосымша құжаттарды талап ету құқығын өзіне қалдырады.