Шексіз күлкі: Сәтбаев университетінде «Жайдарманның» финалдық кезеңі өтті

Сәтбаев университетінде 2024–2025 жылдар маусымындағы дәстүрлі «Жайдарман» КВН чемпионатының көптен күткен финалы өтті. Сахнаға бес команда шықты: «Кега», «Олигарх», «Эйкон», «ИП Береке», сонымен қатар Қазақ спорт және туризм академиясынан келген қонақ команда – «ҚазАСТ». Шат-шадыман күлкіге толы жағдайда командалар өздерінің әзіл-оспақтарын, тапқырлықтары мен актерлік шеберліктерін көрсете отырып, нағыз тапқырлар атағына таласты.

Финалға шыққан командалар үш сайыс бойынша сынға түсті: сәлемдесу, сұрақ-жауап және үй тапсырмасын атақты жұлдызбен жасау. Әрбір кезең қатысушылардан әзіл-қалжыңды ғана емес, сондай-ақ сұрақтарға жылдам жауап беруді, суырып салма өнерді және көрермен назарын өзіне аудара білуді талап етті.

Қарқынды күрестің қорытындысы бойынша «Эйкон» мен «Кега» командалары осы маусым чемпионы атанды, ал «ИП Береке» екінші орынға табан тіресе, қола жүлдені Қазақ спорт және туризм академиясынан келген «ҚазАСТ» қонақ командасы жеңіп алды. Жеңімпаздар көрермендердің алғысын ғана емес, сонымен қатар ақшалай сыйлықтар да алды: 1-орын – 100 000 теңге, 2-орын – 80 000 теңге және 3-орын – 60 000 теңге ұтып алды. Ал осы маусымның үздік ойыншысы – Ақәділ Қуанышұлы 20 000 теңге арнайы сыйлыққа ие болды.

Сәтбаев университетіндегі КВН командасының тарихы бірнеше ондаған жылдардан басталады. «Жайдарман» – жай ғана байқау емес, бұл – студенттердің өзін-өзі шығармашылық пен өнер тұрғысынан таныту алаңы. Мұнда қазақстандық әзіл-сықақ жанрының талай-талай жарық жұлдыздары дүниеге келген.

Біз барлық қатысушыларды құттықтаймыз! Әрі алдағы жаңа маусымдарда сіздерді күтеміз – алда бізді бұдан да көп әзіл мен сықақ, шаттық күлкі мен қызықты қойылымдар күтіп тұр!