Сіздерді ChemTech Hackathon by SU-да хакатон қатысушыларын қолдауға шақырамыз

Еліміздің түкпір-түкпірінен келген студенттер Satbayev University-де өтетін Республикалық «ChemTech Hackathon by SU» хакатонында жиналады. «Органикалық заттардың химиялық технологиясы» білім беру бағдарламасының 3–4 курс студенттерінен құралған командаларға өнеркәсіптік серіктестер ұсынған химиялық инженерия саласындағы өзекті міндеттерді шешу ұсынылады.

Хакатон 2025 жылдың 10–11 қазанында Satbayev University «Химиялық және биохимиялық инженерия» кафедрасында өтеді. Формат – офлайн, жұмыс тілдері – қазақ және орыс. Іс-шара студенттердің инновациялық ойлау қабілетін және практикалық дағдыларын дамытуға, сондай-ақ болашақ мамандардың командалық әлеуетін қалыптастыруға бағытталған.

Жобаға халықаралық инжинирингтік компания Fluor бас демеуші ретінде қолдау көрсетеді. Жеңімпаздарға 2,25 млн теңге көлемінде жүлде қоры қарастырылған: бірінші орынға – 1 млн тг, екінші орынға – 750 мың тг, үшінші орынға – 500 мың тг.