Тараз оқушылары Сәтбаев Университетіне келді

2021 жылы 13 қараша күні кәсіптік бағдар беру жұмысы аясында Сәтбаев Университетіне Тараз қаласының мектеп бітіруші оқушылары келді.

Университеттің профессорлары және оқытушылар құрамымен кездесу барысында оқушыларды ҚазҰТЗУ-дың білім беру бағдарламаларымен және университеттің материалдық-техникалық базасымен таныстырды. Мектеп оқушылары үлкен қызығушылық танытып, өздерін мазалайтын көптеген сұрақтар қойды және барлық сұрақтарына жан-жақты толық жауап алды.

Мектеп оқушыларын Сәтбаев Университетінің әсіресе техникалық мамандықтары көбірек қызықтырды және де олар Қазақстанның үздік техникалық жоғары білім ордасында сапалы білім алып шығу мүмкіндіктеріне қатты  қызығушылық танытты.