Ұлыстың ұлы күні – Наурыз мейрамы құтты болсын!
Құрметті әріптестер, студенттер!
Сіздерді Ұлыстың ұлы күні – Наурыз мерекесімен, көктемгі жаңару мерекесімен шын жүректен құттықтаймын!
Наурыз – жыл басы, күн мен түннің теңеліп, жаңа жылдың басталуы, жаңа өмірге қадам басу символы. Қазақ халқы қашан да Наурызды – Жаңа жыл деп санаған.
Мәдениет – ешқашан ұмытылмайтын құндылық. Наурыз мерекесін тойлау дәстүрі – қазақ халқының тарихында ғасырлар бойы қалыптасып қалған ерекше дәстүр. Ол ұлттық болмысымызды сақтай отырып, халқымызға өмірлік күш-жігер береді және ұлттық сана-сезіміміздің қаншалықты терең әрі берік екенін көрсетеді.
Қызықты мереке қарсаңында Сіздерге аманшылық пен молшылық, бірлік пен ынтымақ тілеймін! Көктемнің жаңа шуағы бәрімізге жаңа шабыт, жаңа табыс, таусылмас күш-қуат әкелсін! Әр үйде бақыт пен қуаныш мол болсын!
Ізгі тілекпен,
Сәтбаев Университетінің Ректоры
Мейрам Бегентаев
