Petroleum engineering
Деңгейі
Оқу жолдары

  Солға қарай айналдырыңыз

ҚР Жоғары және жоғары оқу орнынан кейін білім беру мамандықтарының классификаторы бойынша оқыту жолдары Білім беру бағдарламаларының тобы ҰБТ пәндері
5В070800 Мұнай-газ ісі В071 Тау-кен ісі және пайдалы қазбаларды өндіру Математика - Физика
Бағасы
750 000 теңге / 1 оқу жылына
Телефон
  • Мемлекеттік гранттар конкурсына қатысу үшін өтінішті қалай толтыру керек?

    1. Өтініш бермей тұрып, Сәтбаев университетінің өзіңізге ұнаған білім беру бағдарламасының біреуін таңдап алыңыз; әрине, ол бағдарлама сіз ҰБТ кезінде тапсырған бейінді пәндерге сәйкес келуі керек.

    2. Білім беру бағдарламалары тобынан өзіңіз таңдаған бағдарламаның код номерін жазып алыңыз (кестедегі «Білім беру бағдарламаларының тобы» деген бағанда).

    3. Грант алу үшін толтырылған өтінішке осы топтың код номері мен Сәтбаев университетінің код номерін жазыңыз (Қ.И.Сәтбаев атындағы Қазақ ұлттық техникалық зерттеу университеті): 029.

    4. «Оқу траекториясы» деген бағандағы код номерін қолдану қажет емес. Ол өткен жылғы мамандықтардың код номерлерін (2019 жылға дейін) білім беру бағдарламаларының жаңа код номерімен («Білім беру бағдарламаларының тобы» деген баған) салыстыру үшін және сізге ыңғайлы болу үшін келтірілген.

    Толығырақ

Аталған бағдарлама энергетика, мұнай, газ және де басқа да сұйық ресурстарды жер қойнауынан өндіру саласында мамандарды даярлауға бағытталған, Қазақстан аумағында үлкен сұранысқа ие жетекші бағдарлама болып табылады. Мұнайшы-инженерлер мұнай және табиғи газды жер қойнауынан өндіріп, әрі қарай өңдеу кәсіпорындарына жіберу сатысына дейінгі аралықта технологиялық сараптаумен қамтамасыз етеді.

Бағдарлама математика, физика, геология, химия сияқты іргелі ғылымдардан бастап инженерлік анализ, жобалау және басқаруға дейінгі кең ауқымдағы пәндерді оқытуды қамтиды.

Бұл бағдарлама бойынша білім алу барысында сіз мұнай және газ ұңғыларын бұрғылау технологиясын, ұңғыларды геофизикалық және гидродинамикалық зерттеу әдістемесін, мұнайды механикаландырылған жолмен өндіру технологиясы мен жүйесін, кенорындарды игеруді, мұнайды өндірудің екіншілік және үшіншілік әдістерін, сонымен қатар аталған үрдістерді компьютерлік модельдеуді үйренетін боласыз.

Студенттердің студенттік ұйымдар мен өндірісте тәжірибеден өту арқылы мұнай инженериясы саласындағы дағдылары мен білімін дамытуына үлкен мүмкіндіктер жасалынған. Мысалы, «Мұнай инженериясы» мамандығы бойынша білім алатын студенттер халықаралық деңгейде ғылыми зерттеулер жүргізеді және Инженер-мұнайшылардың халықаралық қоғамының – «SPE» секциясының мүшелері болып табылады.

Мұнайшы инженерлер қоғамы (Society of Petroleum Engineers) – бұл мұнай өнеркәсібіндегі техникалық мамандарының халықаралық коммерциялық емес ұйымы. Қоғамның басты мақсаты мұнайды барлау мен өндіру саласындағы білімді жинақтау және тарату, сонымен қатар осыған байланысты технологияларды дамыту. Компания кеңселері Мәскеу, Даллас, Хьюстон, Лондон, Дубай және Куала-Лумпурда орналасқан. SPE мүшелерінің саны 100 мың адамнан асады, оның ішінде 28 мыңнан астамы студенттер болып табылады.

Кафедра студенттері Сәтбаев университетінің оқу-жаттығу базасында және Schlumberger, Chevron, ҚазМұнайГаз, Роснефть, Лукойл, Eni, CNPC, ExxonMobil, Total, Royal Dutch Shell, Maersk Oil сияқты үздік отандық және халықаралық компанияларда тәжірибеден өтеді. Кафедраның кейбір түлектері БАӘ-нен Солтүстік теңізге дейін халықаралық локацияларда жұмыс істеуде және тәжірибе алуда.

Үздік студенттер Батыс және Шығыс Еуропа университеттерінде академиялық ұтқырлық бағдарламасы бойынша қосымша білім ала алады.

Бітірушілер техника және технология бакалавры біліктілігін алады және геология, геофизика, бұрғылау, мұнай және газ кен орындарын игеру және пайдалану саласында жұмыс істей алады және барлық инженерлер арасында ең жоғары жалақы алуға мүмкіндігіне ие болады. Мұнай өнеркәсібіндегі дәстүрлі мамандықтардан басқа, ластануды тазалау, жерасты қалдықтарын жою (соның ішінде атмосфералық парникті газдарды азайту үшін жерастына көмірқышқыл газын айдау) және гидрология саласындағы мұнай инженерлік жүйелерінің түлектеріне арналған басқа да жаңа мамандықтар бар.

Білім беру бағдарламасы туралы толығырақ