Абайдың «Толық адамы» жастар тәрбиесінің қазығы іспетті: Семейде өткен республикалық форумнан призма арқылы

2025 жылғы 23 мамыр күні Сәтбаев университетінің делегациясы Семей қаласындағы Шәкәрім университетінде өткен «Абайдың «Толық адам» ілімі: ұлттық құндылықтар және заманауи көзқарас» атты республикалық форумға қатысты. Бұл іс-шара рухани-адамгершілік тәрбиенің қазақстандық жаңа жас буынды қалыптастырудағы рөлін талқылау үшін негізгі алаңға айналды.

Абай Құнанбаев тұжырымдаған «Толық адам» («Тұтас тұлға») концепциясы – жеке тұлғаны адамгершілік-рухани жетілдіру жөніндегі тұтас философиялық-этикалық ілім, ол ақыл, жүрек және ерік-жігер атты негізгі үш құрамдас бөлікке негізделеді. Осы қасиеттерді бойына сіңірген адам ғана шынайы дамуға, қоғамға қызмет етуге және жоғары рухани құндылықтарды меңгеруге қабілетті.

Қазіргі жағдайда жоғары білім беру жүйесін жаңғырту озық технологиялар мен академиялық стандарттарды енгізуді ғана емес, сонымен қатар ұлттық құндылықтарды қайта қарауды, оларды дұрыс түсінуді талап етеді. Қазақстан Республикасының Президенті Қасым-Жомарт Тоқаев өзінің бір сөзінде: «Біз Абайдың «Толық адам» концепциясын қайта қарап шығуымыз керек. Мен «толық тұлға» тұжырымы шын мәнінде біздің өміріміздегі әрбір саланың негізі болуы керек деп есептеймін: биліктен бастап, білім беруге, бизнестен бастап, отбасы институттарына дейін...».

Форумда жастарға ерекше көңіл бөлінді, өйткені олар Қазақстан дамуының негізгі ресурсы мен драйвері болып табылады. Студенттердің бойына терең кәсіби білім сіңіру ғана емес, сондай-ақ олардың бойында жоғары адамгершілік қасиеттерді, азаматтық жауапкершілік пен көшбасшылық қасиеттерді дамыту мәселесі ҚР Ғылым және жоғары білім министрлігінің басты назарында болып отыр. Бұл күш-жігер инновациялар мен дәстүрдің арасында тепе-теңдік үйлесімін құруға бағытталған, ал бұлар өз кезегінде қоғамды тиімді дамытуға және ұлттық бірегейлікті сақтауға қабілетті ұрпақ тәрбиелеуге көмектесетіні анық.

Форумға Қазақстанның жетекші жоғары оқу орындарының, мемлекеттік органдардың және ғылыми қауымдастықтың өкілдері жиналып, жастардың рухани-адамгершілік тәрбиесіне, ғылым мен білімнің рөліне, сондай-ақ қазіргі қоғамда Абай идеяларының қолданылуына қатысты өзекті мәселелерді талқылады.

Пленарлық сессиялар мен жұмыс секциялары барысында мына төмендегі тақырыптар талқыланды:

• Абай философиясын түсінуде абайтанудың және М.Әуезов шығармаларының рөлі;
• «Толық адам» тұжырымын қазіргі білім беру жүйесінде қолдану;
• Жас мамандарды мемлекеттік құрылымдарға жұмысқа орналастыру перспективалары;
• Жастарды ғылымға, мәдениетке және қоғамдық қызметке тарту.

Іс-шара аясында жастар саясаты тақырыбына арналған TED Talks, «Болашақ көшбасшы – бүгінгі жастар» атты семинар-тренинг, сондай-ақ мәдени және зияткерлік бағдарламалар, соның ішінде театрландырылған қойылым, мұражайларға экскурсия жасау мен викториналар өткізу ұйымдастырылды.

Сәтбаев университеті жылы шыраймен қарсы алғаны және форумды жоғары деңгейде өткізгені үшін ұйымдастырушыларға зор алғыс білдіреді, атап айтқанда: ҚР ҒЖБМ, Шәкәрім университеті, Абай ауданының әкімдігі, сондай-ақ «Абай жастары» жастар ресурстық орталығы.

Ұлы Абай салған тың идеялар қазақстандықтардың жас ұрпағын білімге, әділдікке, әрі прогресс жолына әлі де болса шабыттандыра беретініне біз сенімдіміз.