Алматыда Орталық Азия Еуропаның ғылыми ортасына қалай кіре алатындығы жөнінде талқыланды

Сәтбаев университетінде бесінші кластер бойынша Horizon Europe аймақтық ақпарат күні өтті, оған Қазақстан, Қырғызстан, Тәжікстан, Түркіменстан және Өзбекстан ғылыми мекемелерінің өкілдері жиналды. Кездесу тақырыбы – Еуропалық одақпен климат, энергетика және ұтқырлық сияқты негізгі салалар бойынша ынтымақтастық қарым-қатынасты дамыту.

Жиынға Еуропалық комиссияның халықаралық байланыстар жөніндегі қызметкері Кремена Милева, Horizon Europe ұлттық байланыс орталығының үйлестірушісі Алия Сембаева, Еуропалық комиссияның, DFG және SECCA жобасының өкілдері қатысты. Еуропалық комиссия «Орталық Азияның ғылыми жастарының үлкен әлеуетін» көріп отырғанын сарапшылар атап өтті. Комиссияның Қазақстандағы міндеті – әрбір ғалымның қай елден екеніне қарамастан, жай ғана қатысушы емес, толыққанды серіктес бола алатыны үшін көлденең байланыстарды орнату.

Семинар гибридтік аралас форматта өтті, сондықтан Орталық Азияның түкпір-түкпірінен университет өкілдері де, жас зерттеушілер де бұл талқылауға қосылуға мүмкіндік алды. Олар еуропалық серіктестерді қалай іздеп табуға болатыны, қандай тақырыптар өзекті екені және ЕО-тың бюджеті 95 миллиард еуродан асатын ғылыми бағдарламасына қатысуды қалай бастау керектігі туралы біліп шықты.

Ақпараттық күннің соңында қатысушылар Еуропалық комиссия сарапшыларын өз жұмыстарымен таныстыруға мүмкіндік алды. Сәтбаев университеті, әл-Фараби атындағы ҚазҰУ және өңірдегі басқа да жоғары оқу орындарының өкілдері өз жобаларын ұсынды. Ал сарапшылар ұсынылған жобалардың жоғары деңгейде екенін атап өтті.

Сәтбаев университетінде өткен Horizon Europe ақпараттық күні Орталық Азия жаңа ғылыми орбитаға шыға бастағанын және Еуропалық одақтың флагмандық ғылыми бағдарламасының көрнекті қатысушысы болуға дайын екенін дәлелдей түсті.