9 желтоқсан 2020 5159

Бейжің технологиялық институтында оқуға арналған 3 грантқа конкурс жарияланады

Халықаралық ынтымақтастық бөлімі Бейжің технологиялық институты China Scholarship Council (CSC) бағдарламасы аясында жыл сайын магистратура/докторантураға түсу үшін Сәтбаев университетінің соңғы курстағы студенттері мен магистранттарына арналған 3 гранттық орын бөлгені туралы хабарлайды.

Бағдарлама келесі шығындарды қамтиды:

оқу ақысы;
баспана;
кешенді медициналық сақтандыру;
ай сайынғы шәкіртақы (магистранттарға 3000 юань және докторанттарға 3500 юань).

Жол жүру шығандары қарастырылмаған.

Ағылшын тілінде магистратурада оқуға ұсынылатын бағдарламалар:

Аэронавтика және ғарыштық ғылым мен технологиялар
Машина жасау
Электрондық ғылым және технологиялар
Ақпараттық-коммуникациялық инженерия
Менеджменттің ғылымы және технологиясы
Информатика және технологиялар
Химиялық инженерия және технология
Химия

Докторантураның барлық бағдарламаларында ағылшын тілінде оқуға болады.

Шет тілін білуге қойылатын талаптар:

TOEFL – кемінде 80 немесе академиялық IELTS – кемінде 5.5.
Егер үміткер қытай тілінде оқығысы келсе, HSK-5 сертификатын өткізуі қажет.

Конкурсқа қатысуға өтінімді толтырып international_office@satbayev.university мекенжайына "BIT-де оқу үшін өтінім" тақырыбымен жіберуді сұраймыз. Өтініш 2021 жылдың 8 ақпанына дейін толтырылуы керек. Барлық сұрақтар бойынша мұнай ғимаратындағы (НК) 903-кеңсеге, Халықаралық ынтымақтастық бөліміне сағат 11:00-ден 12:30-ге дейін 8 727 292 90 19 нөміріне хабарласыңыз.

Тэги: Академиялық ұтқырлық