Бірінші курс студенттерінің қазақ, орыс, ағылшын тілдерін меңгеру деңгейін міндетті түрде диагностикалау

Құрметті талапкерлер!

Сәтбаев университетіне оқуға түскен кезде бакалавриаттың бірінші курс студенттері ағылшын, қазақ және орыс тілдерін меңгеру деңгейін анықтау үшін диагностикадан өтуге міндетті.

Диагностика нәтижелері бойынша білім деңгейіне қарай оқу топтары құрылады. Тілді базалық деңгейде меңгерген студенттер бастапқы топтарға бөлінеді; ал жетік сөйлейтін студенттер жетілдірілген топтарға бөлінеді. Бұл бірінші курс студенттерінің оқуын ыңғайлы етеді және олардың тілдік құзыреттіліктерінің тиімді түрде дамуын қамтамасыз етеді.

Білу маңызды:

• Диагностикадан барлық студенттер міндетті түрде офлайн режимде өтеді.
• Диагностика университет ғимаратында ауызша бетпе-бет сөйлесу форматында өтеді.
• Диагностика нәтижелері оқу грантын алуға еш кедергі келтірмейді. Ағылшын тілін тіпті өте төмен деңгейде меңгерсеңіз де, сіз грантты сақтап қаласыз және тілді базалық деңгейден бастап оқитын боласыз.
• Өзіңізбен бірге жеке куәлік болуы тиіс.

Ағылшын тілінен диагностика:

Өтетін күндері:  2025 жылғы 19 тамыздан бастап, 29 тамызға дейін.
Өтетін орны: Бас оқу корпусы, аудиториялар: 601, 602, 603, 604, 605, 605а, 606, 607, 608.
Уақыты: 09:00 – 18:00.

Қазақ және орыс тілдерінен диагностика:

Өтетін күндері: 2025 жылғы 18 – 30 тамыз аралығында.
Өтетін орны: Бас оқу корпусы, аудиториялар: 609, 609а, 611, 613, 615 (қазақ тілі); 512, 610, 611а, 612, 614, 615а (орыс тілі).
Уақыты: 9:30 – 17:30.

Қазақ бөліміне оқуға түскен студенттер орыс тілінде, ал орыс бөліміне оқуға түскен студенттер қазақ тілінде диагностикалық тестілеуден өтеді.