Дені саудың – жаны сау: Сәтбаев Университетінде дәстүрлі «Денсаулық–2024» спартакиадасы өтті
Университетте өткен дәстүрлі «Денсаулық–2024» қысқы спорт жарысы Сәтбаев Университетінің ғалымдарына жаңа шабыт, жаңа ой мен идеялар сыйлады. Оқытушылар мен қызметкерлер өздерінің спорттық дайындықтары мен шеберліктерін төрт спорт түрінен: үстел теннисі, шахмат, волейбол және шағын футбол бойынша бірнеше күн бойы көрсетті.
Әр институттың ұстаздары біріккен командалар құрып, өздерінің спорттық намысын қорғады. Жарыс шахматтан басталды, мұнда университеттің ең көне Тау-кен металлургия институтының командасы үздік шығып, спартакиада қорытындысы бойынша жеңіске жетті.
Сәтбаев Университетінде өткен «Денсаулық – 2024» спартакиадасының қорытынды нәтижелері
|
Команда |
Кіші футбол |
Волейбол |
Үстел теннисі |
Шахмат |
Барлығы |
|
ТКМИ |
1 |
6 |
2 |
1 |
10 – 1 орын |
|
СжҚИ |
3 |
1 |
4 |
2 |
10 – 2 орын |
|
ЭжМЖИ |
2 |
3 |
1 |
5 |
11 – 3 орын |
|
ЦТжКДИ |
6 |
2 |
5 |
3 |
16 – 4 орын |
|
АжАТИ |
4 |
7 |
8 |
4 |
23 – 6 орын |
|
ЖБИ |
8 |
5 |
6 |
8 |
29 – 7 орын |
|
КжЛМ |
7 |
8 |
7 |
7 |
29 – 8 орын |
Жарыс түрлеріне Б.Сейілов, Ж. Жұпархан, Р. Сағындықов, Т. Укешов, А. Амалиев, А. Нығметов, Е. Джуашев және А. Нүсіпова төрелік етті. Ал бас төреші Т. Иманталиев болды.
Спартакиада – Қазақстан Республикасы Президентінің «Қазақстан–2050» жолдауында айтылған салауатты өмір салтын қалыптастыру, дене шынықтыру және спорт саласындағы мақсаттар мен міндеттерді қолдауға арналған дәстүрлі іс-шаралардың бірі.
Жеңімпаздар арасында – университеттің ең мықты спортшылары мен осы спорттық жарысқа қатысқан барлық жандар бар. Спорт біздің зерттеушілерге күнделікті жұмыс барысында жаңа ғылыми жобаларға серпіліс жасауға көмектесері сөзсіз.
Біз барлық қатысушыларды құттықтаймыз!
