Еуропа магистратурасында оқуға құжаттарды қабылдау басталды

Satbayev University Электротехника, есептеу және компьютерлік техника саласындағы 4 курс студенттерін ендірілген есептеу жүйелері бойынша European Masters In Embedded Computing Systems (EMECS) Erasmus Mundus стипендиялық магистратура бағдарламасы бойынша Еуропаның жоғары оқу орындарында оқуға шақырады.

EMECS стипендиясы – бұл ендірілген есептеу жүйелері бойынша магистрлік курстарда мамандарды оқытуға арналған бағдарлама. Бұл Еуропаның төрт елінің — Германия, Норвегия, Ұлыбритания, Италияның жоғары оқу орындарында магистратурада оқуды бастау мүмкіндігі.

EMECS Erasmus Mundus бағдарламасы бойынша магистратурада оқу кезінде магистранттар төрт серіктес университетте, әр университетте бір семестрде оқиды:

• Кайзерслаутерн техникалық университеті, Германия;
• Норвегия ғылым және технология университеті, Норвегия;
• Саутгемптон университеті, Ұлыбритания;
• Турин политехникалық университеті, Италия.

Өтініш беру мерзімі: 2023 жылдың 31 қаңтарына дейін.

EMECS Erasmus Mundus стипендиясы нені қамтиды?

• бағдарлама бойынша оқу шығындары;
• медициналық сақтандыру;
• EMECS бағдарламасының бүкіл мерзімі ішінде (24 ай)1000 еуро тұратын ай сайынғы стипендия;
• ұшу құны;
• визалық алымдар.

Түсуге қойылатын талаптар және қажетті құжаттар:

1. Дәреже

Өтініш берушінің «Электротехника», «Информатика», «Робототехника», «Компьютерлік инженерия», «Бағдарламалық қамтамасыз ету», «Computer Science», «Data Science», «Есептеу техникасы» бағдарламалары бойынша бакалавр дәрежесі болуы тиіс. Егер сіз өтініш берген кезде 4-курста оқысаңыз, магистратураның бірінші курсына түсуші ретінде өтініш бере аласыз және өтінімге осы уақытқа дейін бағалау транскриптін қоса аласыз.

2. Ең төменгі орташа балл – 2,67.

3. Ағылшын тілі – IELTS 6.5 (емтиханның әр бөлімі бойынша кемінде 6.0)

немесе TOEFL-қағаз сынағы бойынша 600 балл / компьютерлік тест бойынша 250 балл / интернет-тест бойынша 95 балл.

4. GRE тесті: ұсынылады, бірақ қажет емес.

5. Мотивациялық хат:

Өтініш беруші бір бетке жуық қысқа мотивациялық хат жазу арқылы ендірілген есептеу жүйелері бағдарламасына жақсы уәжделгенін көрсетуі керек.

6. Ұсыныс хаттар:

Өтінім университет профессорларының немесе жұмыс берушілердің 2 ұсыныс хатымен расталуы керек.

Барлық сұрақтар бойынша бізбен халықаралық ынтымақтастық департаментінің 8 (727) 320 40 19 телефоны арқылы хабарласа аласыз, электрондық пошта: international_office@satbayev.university .

Департамент НК 609 мекенжайында орналасқан.

Instagram: @satbaev.international.office.

EMECS