Ғылым күні: Сәтбаев Университеті көрнекті ғылыми қызметкерлерді құттықтады

ҚР Ғылым күні мен Қазақстан Ғылым академиясының негізін қалаушы және оның тұңғыш президенті Қаныш Сәтбаевтың 125 жылдық мерейтойын мерекелеу аясында қызметкерлер мен студенттер университеттің аға буын ғалымдарының сіңірген еңбегін жоғары атап өтті. Университет ректоры Мейрам Бегентаев «Ақсақалдар алқасының» өкілдері мен Ректорлар кеңесінің мүшелерін айтулы датамен құттықтап, оларға бүкіл университет атынан алғыс білдірді. Жылы лебіздер мен сыйлықтар тапсырылғаннан кейін қатысушылар осы тарихи сәтті есте сақтау үшін жалпы суретке түсті.